kultura e anulimit

Papa Françesku kritikon mohimin apo rishkrimin e historisë sipas standardeve të sotme, një fenomen i dy viteve të fundit që njihet ndryshe me termin kulturë e anulimit.

Në një fjalim para një grupi diplomatësh, Ati i Shenjtë tha se kriza e besimit në diplomacinë shumëpalëshe ka çuar në "axhenda të diktuara gjithnjë e më shumë nga një mentalitet që hedh poshtë themelet natyrore të njerëzimit dhe rrënjët kulturore që përbëjnë identitetin e shumë popujve".

Fenomenet e fundit të mbledhura nën emrin e kultura e anulimit (diçka e ngjashme me "censurën kulturore") mund të gjykohen nga dy këndvështrime. Të këmbëngulësh në të qenit politikisht korrekt në aspektin e racës dhe gjinisë është një mënyrë për të shmangur diskriminimin që ekziston ende dhe për të ribalancuar pabarazitë e vjetra dhe të mëdha në fushat e studimit, deri para disa dekadash prerogativë pothuajse ekskluzive e meshkujve të bardhë.

Kemi dëgjuar së fundmi të flitet shpesh për kulturën e fshirjes - cancel culture, një formë moderne e përjashtimit të një individi nga rrethet shoqërore ose profesionale - qofshin ato edhe në internet apo në media, pasi të kenë bërë ose thënë diçka që konsiderohet e kundërshtueshme ose fyese. Shprehja "kulturë e anulimit" ka kryesisht konotacion negativ dhe përdoret zakonisht në debate mbi fjalën e lirë dhe censurimin.