kosova

Pesë diplomatë perëndimorë  u takuan sot me kryeministrin Albin Kurti në Prishtinë. Miroslav Lajçak, i cili i priu pesëshes së diplomatëve, foli për nevojën emergjente të deeskalizmit të situatës dhe normailizimit të marrëdhënieve. 

Lajçak tha se “çfarëdo kushti, apo çfarëdo vonese për normalizimin e marrëdhënieve është e papranueshme” dhe shtoi se ngjarjet e 24 shtatorit të Banjskë nuk ndryshojnë asgjë në procesin e dialogut.

Lista Serbe u ka kërkuar autoriteteve të Kosovës të shpallin datën e zgjedhjeve. Kërkesa vjen një ditë pasi presidentit serb, Aleksandar Vuçiç, kërkoi nga serbët të futen në proces të ri zgjedhor në katër komunat veriore – Mitrovicë e Veriut, Leposaviq, Zveçan dhe Zubin Potok.

Pavarësisht kësaj, mes serbëve të Kosovës nuk ka unitet. Politikanët serbë në opozitë me Listën Serbe (më e madhja e serbëve të Kosovës) thonë se tashmë kjo parti e ka humbur legjitimitetin tek populli që ka përfaqësuar.

Pesë rezoluta të ndryshme janë dërguar në Parlamentin Europian për ngjarjen në Banskë më 24 shtator. Grupe të ndryshme eurodeputetësh kanë dënuar sulmin në veri të Kosovës dhe kanë kërkuar vënien e përgjegjësve para drejtësisë.  

Në një konferencë për shtyp dje, kryeministri i Shqipërisë, Edi Rama, deklaroi se Kosova e ka futur veten në një kurth dhe nuk po firmos planin franko-gjerman. Në një intervistë disa ditë më parë, z. Rama madje do të deklaronte se Kosova rrezikon të humbasë avantazhin ndaj Serbisë, pavarësisht se më 24 shtator qasjet u detyruan të ndryshojnë. Ky është flamuri i paqes që z. Rama thotë se do ta mbajë përherë e më lart.

Sot, presidenti i Kroacisë, Zoran Milanoviç, është shprehur ndër të tjera në Tiranë se:

Ministri turk i Mbrojtjes, Yasar Guler, gjatë vizitës në Prishtinë konfirmoi mbështetjen për anëtarësim në Kombet e Bashkuara dhe NATO.

Ne përkrahim sovranitetin dhe tërësinë territoriale të Kosovës dhe anëtarësimin e saj në qarqet ndërkombëtare. E theksuam faktin që duke nisur nga Kosova, paqja, mirëqenia dhe siguria në Ballkan çështje me rëndësi të madhe për ne”, theksoi ai.

Turqia ka marrë drejtimin e KFOR-it dhe Guler premoi realizimin e kësaj detyre me neutralitet.

Kosova dhe Serbia ulen sërish në tryezën e bisedimeve të shtunën. Presidenti serb dhe kryeministri i Kosovës do të takohen me ndërmjetësimin e të dërguarve të SHBA-së dhe BE-së.

Takimi është i pari pas sulmit në Banjskë, ku mbeti i vrarë efektivi i policisë së Kosovës, Afrim Bunjaku.

Takimi vjen pas një sërë takimesh të tjera diplomatike të përfaqësuesve të SHBA-ve, Francës, Gjermanisë, Italisë dhe BE-së.

Sulmi në Banjskë më 24 shtator nuk mund të kalojë sikur të mos kishte ndodhur.

Kjo kushtëzon edhe rikthimin e palëve në dialog.

Kryeministri i Kosovës, Albin Kurti, gjatë një takimi me senatorët amerikanë, Jeanne Shaheen dhe Peter Welch, është shprehur se pa marrë parasysh tendencat e Serbisë për destabilizim, dialogu nuk mund të vazhdojë normalisht.

Presidenti serb, Aleksander Vuçiç, është i bindur se dikush brenda vendit të tij ka kërkuar sanksionimin e Serbisë në lidhje me ngjarjen e ndodhur në Banjskë më 24 shator. Në një konferencë shtypi ku u pyet në lidhje me vizitën e pritshme në Beograd të ambasadorëve të vendeve të Quintit, Vuçiç tha se dikush nga Serbia i ka sugjeruar shefit të diplomacisë europiane të vendosë sanksione ndaj Serbisë.  

Anëtarët e Asamblesë Parlamentare të Këshillit të Europës kanë kërkuar zbardhjen e sulmit të 24 shtatorit në Banjskë. Gjatë diskutimeve për Kosovën, ata kërkuan paralelisht çtensionimin e situatës dhe rikthimin e palëve në tryezën e dialogut. Disa prej anëtarëve, përfshirë nga shtetet që nuk e kanë njohur Kosovën, e dënuan aktin duke tërhequr paralele me sulmin e Rusisë në Ukrainë.

Emisari i BE-së për dialogun Kosovë-Serbi, Miroslav Lajçak, paralajmëron heqjen e sanksioneve të BE-së ndaj Kosovës.

Në rrethanat aktuale nuk duket mirë që Kosova është nën masa negative të BE-së dhe kjo çështje duhet adresuar. (Heqja e sanksioneve) Kjo është njëra mundësi që unë personalisht do ta mbështes.

Lajçak tha se normalizimi i marrëdhënieve mes dy vendeve është e vetmja rrugë që do t’i çojë të dyja drejt BE-së.