koronavirusi

Sot kryeministri i Shqipërisë, Edi Rama ka konsumuar një shkelje të hapur të ligjit kur përmes një mesazhi të shtirur keqardhjeje njoftoi se Edmond dhe Robert Budina kanë rezultuar pozitivë në testin e CoVid-19. Duke mos respektuar privatësinë ky individ ka bërë asgjë më shumë sesa denoncimin publik të dy të sëmurëve zyrtarë që janë të angazhuar në aktivitet politik kundër tij. Ka përdorur tamponët kundër protestave që po organizohen kundër tij meqenëse tanimë Shqipërinë e tij e administron vetëm me gënjeshtra.

BBC-ja raporton se dexamethasone mund të jetë një shpresë e madhe në luftën kundër koronavirusit. Sipas ekspertëve britanikë, medikamenti në fjalë, që kushton pak dhe është komisionuar në vitin 1961, ndihmon sidomos pacientët në gjendje kritike dhe që janë në ventilator. Medikamenti është pjesë e testimit më të madh në botë që provon nëse ilaçet në përdorim mund të jenë efektive ndaj CoVid-19. Testimi është kryer mbi 2000 pacientë të shtruar dhe sipas të dhënave përdorimi I dexamethasone ka ulur rrezikun e vdekjes me 12%.

Gjermania, Franca, Italia dhe Hollanda kanë nënshkruar së  fundmi një kontratë për 400 milionë doza vaksine kundër CoVid-19 me kompaninë britanike “AstraZeneca Plc”.

Marrëveshja parashikon furnizimin e këtyre vendeve në rast se vaksina e Oksfordit do të rezultojë e suksesshme, çka provon se asnjë vend nuk po mendon se përballja me epideminë ka përfunduar.

Burime të ndryshme nga Ministria e Shëndetësisë bëjnë me dije se vatrat e reja të infeksionit të koronavirusit në Tiranë janë kryesisht në institucione publike. Tatimet, Kadastra dhe tanimë QSUT-ja e konfirmuar zyrtarisht thuhet se janë problemet kryesore që po provokojnë rritje të numrit të rasteve të reja.

 Komisioni Europian ka akuzuar publikisht Kinën dhe Rusinë si përhapësit kryesorë të lajmeve të rreme online për pandeminë e koronavirusit. Vera Jurova, zv.presidente e Komisionit për Vlerat dhe Transparencën ka deklaruar se lajmet e rreme kanë origjinuar nga Kina dhe Rusia duke patur në fokus edhe keqinformimin mbi masat që duhen marrë si pirja e alkoolit të pastër apo teori konspirative si ato se instalimet 5G përhapin virusin.

Dizinformimi do të vazhdojë dhe vaksinimi do të jetë fushëbeteja e radhës

Ministria e Shëndetësisë ka njoftuar sot se në 24 orët e fundit në Shqipëri janë konstatuar 20 raste pozitive me CoVid-19. Përfaqësuesja Flutra Beqo ka shtuar se mes të prekurve është edhe një personel shëndetësor i riinfektuar pas 3 muajsh. Ky është rasti i parë në këtë kuadër, duke shtuar dyshimet për imunitetin e fituar nga virusi.

Revista e njohur mjekësore, “The Lancet” është detyruar të tërheqë një studim të publikuar prej sipas të cilit përdorimi i hidroksilklorokinës për të prekurit nga koronavirusi shton rrezikun e vdekjeve.

Epidemiologu kryesor i Suedisë, Anders Tegnell ka pranuar gjatë një interviste për Radion Suedia se strategjia e propozuar për tij si përgjigje ndaj epidemisë së koronavirusit kishte gabimet e veta.

Nëse ne do të përballeshim me të njëjtën sëmundje me të njëjtën njohuri që kemi sot, mendoj se përgjigja do të ishte diku mes asaj që Suedia bëri dhe asaj që pjesa tjetër e botës bëri

është shprehur ai.

Presidenti i Kinës, Xi Jinping ka njoftuar Organizatën Botërore të Shëndetësisë se vaksina kineze kundër CoVid-19 do të jetë e mirë e disponueshme për mbarë botën.

Në momentin kur vaksina të jetë gati dhe e disponueshme ajo do të ofrohet për të gjithë botën

Në Shqipëri, rastet e para të koronavirusit u konfirmuan më 9 mars. Megjithatë, shpesh janë hedhur hipoteza se raste të të infektuarve me këtë virus ka pasur edhe më herët. Në studion e TvT, mjeku epidemiolog, Ilir Alimehmeti, nuk e përjashtoi këtë mundësi. Ai u shpreh se raste sporadike mund të ketë pasur që në janar, por si të tilla, ato nuk janë reflektuar në shërbimin spitalor.