hakerat

Rreth 80 milionë paund u zhdukën nga llogaritë e mijëra investitorëve britanikë këtë javë, pasi Atomic Wallet, një kompani estoneze që u ofron përdoruesve llogari dixhitale për të ruajtur kriptovalutat e tyre, u bë shënjestër e një hakerimi. Elliptic, firma britanike e sigurisë kibernetike që zbuloi sulmin, fajësoi për grabitjen Lazarus, një grup famëkeq hakerësh koreano-veriorë, i cili besohet se ka vjedhur asete dixhitale me vlerë mbi 2 miliardë dollarë (1.56 miliardë £) në një sërë vjedhjesh të mëparshme, përfshirë edhe një sulm kibernetik të vitit 2017 ndaj NHS.

Një rrjet kompjuterësh të hakeruar kanë furnizuar Rusinë me informacion mbi vendet perëndimore për rreth 20 vjet. FBI zbuloi sot se ka nxjerrë jashtë funksionit rrjetin që spiunët rusë e kanë përdorur prej vitesh për të marrë informacione sensitive nga të paktën 50 vende, përfshirë qeveritë e vendeve të  NATO-s.

Shërbimi i brendshëm i inteligjencës ruse, FSB, dyshohet se e ka përdorur mjetin e sofistikuar të hakerimit për të depërtuar në agjencitë diplomatike dhe ushtarake të SHBA dhe perëndimore për gati dy dekada.

Në intervistën e vet për “Real Story”, kryeministrii vendit Edi Rama ka bërë disa pohime problematike që zbulojnë një lloj shteti allasoj. 

P.sh i pyetur për hakerimin e të dhënave të Shërbimit Informëtiv Shtetëror, z. Rama ka deklaruar se që nga viti 1997, por sidomos pas “disa reformimeve” siç i tha nëpër dhëmbë ai, 

ShISh i është lënë partnerëve

Se çfarë do të thotë kjo, mund të kuptohet me deklaratën tjetër sipas së cilës:

Ne nuk kemi pyetur kurrë se çfarë bën ShISh me paratë 

Lufta e Ukrainës ka nxjerrë në pah, ndoshta për herë të parë në këtë nivel, edhe elementin më modern të infrastrukturës së sotme, Internetin. Media të ndryshme shkruajnë dhe raportojë se përveç përballjes në terren, me metoda dhe mjete konvencionale, është duke u zhvilluar një luftë tjetër, implikimet e së cilës për të ardhmen ende nuk mund të parashikohen. 

Një grup hakerash që kanë sulmuar përmes një kompanie softuerësh, SolarWinds, kanë arritur të thyjenë edhe disa kode burimi të përdorura nga kompania e njohur Microsoft. Kjo e fundit ka njoftuar zyrtarisht për aktin duke deklaruar se një gjë e tillë është shqetësuese sepse sinjalizon se deri ku shkojnë ambiciet e grupit. Kodi i burimit është një seri udhëzimesh për një soft apo sistem operativ dhe si i tillë përbën element me rëndësi të veçantë.

Historikisht, Microsoft ka qenë veçanërisht i kujdesshëm në mbrojtjen e kodit të burimit

Ish-kryeministri Sali Berisha u bënte thirrje dje nga profili i vet në Facebook të gjithë hakerave në botë që të ndërmarrin një sulm të përgjithshëm ndaj sistemeve shtetërore që kontrollohen nga kryeministri dhe qeveria e tij. Një thirrje që shërben si sinjal shqetësues për axhitimin politik dhe emocional të z. Berisha, pasi ciladoqoftë shkelja në këtë rast, një ish-kryeministër nuk bën thirrje për përmbysje.

Të gjitha përdoruesit e agregatorit Yahoo, janë ekspozuar ndaj sulmit të hakerëve në vitin 2013. Situata e vështitë e kësaj kompanie, tashmë nën zotërim të Verizon Comunications Inc, po zbardh detaje të reja nga sulmi i 4 viteve më parë, të cilin mesa duket Yahoo, u mundua ta paraqesë në të tjerë terma. Në dhjetor të vitit të shkuar kompania tha se nga sulmi u prekën 1 miliardë llogari, por së fundmi ajo ka pranuar se në të vërtetë janë prekur të 3 miliardë llogaritë e përdoruesve që kanë një adresë e-maili në të.

Zgjedhjet e fundit presidenciale në SHBA hynë në histori si një proces zgjedhor që u kryen nën ndikimin e shërbimeve ruse. Madje kandidatja demokrate Hillary Clinton, deklaroi se ajo humbi zgjedhjet për shkak të ndikimit rus dhe kreut të FBI-së, Bill Comey. Nga ana tjetër procesi i votimit, i kryer në rrugë elektronike, u verifikua si i pacenuar. Çka do të thotë se makinat e votimit elektronik nuk i ishin nënshtruar sulemeve apo hakerimit.

Në vitin 2015 hakerat arritën të depërtojnë në rrjetin kompjuterik të firmave rajonale të energjetikës në Ukrainë, duke marrë nën kontroll atë dhe duke lënë pa energji 250 mijë njerëz. Momenti i ndërhyrjes u filmua mbi PC nga një prej inxhinierëve, të cilët dy ditë para Krishtlindjeve të atij viti u gjendën në një sitiuatë ku nuk mund të kontrollonin apo aksesonin PC-të e tyre.

Kursorët lëviznin vetë për të dhënë provën sesi hakerat vepronin mbi softin duke ndërprerë energjinë. Më poshtë video e realizuar me iPhone e një prej inxhinierëve dhe publikuar nga “Wired”.

Gazetari Glenn Greenwald, bashkëthemelues i “Intercept”, deklaroi gjatë një interviste për rrjetin CNN se në zgjedhjet e fundit presidenciale nuk ndërhynë vetëm rusët, por edhe agjencitë qeveritare amerikane, CIA dhe FBI. Sipas tij ka nevojë për një hetim urgjent, pasi kjo që ndodhi ka cenuar besimin e amerikanëve, por përbën rrezik real për demokracinë. Akuza e Greenwald na çon në klimën e Rusisë Sovjetike, në vitet e fundit të së cilës, shërbimi sekret, KGB ishte organizata më e fuqishme në vend, përderisa lideri i saj, Andropov erdhi në krye të shtetit.