drejtesi

Sot ambasadori i Bashkimit Europian në Tiranë, Luixhi Soreka u ka bërë thirrje palëve politike të angazhohen urgjentisht në një dialog politik për të kapërcyer situatën aktuale. Sipas tij, si qeveria, ashtu edhe opozita duhet të tregojnë pjekuri dhe të përqendrojnë përpjekjet e tyre në objektivat që lidhen me vendimin e Komisionit në Tetor për çeljen e negociatave.

Në një seri postimesh në rrjetin social tuiter diplomati europian thotë se është koha për të ecur përpara me reformat e sundimit të ligjit.

Presidenti i vendit, Ilir Meta hodhi dyshime të mëdha mbi rolin që faktori ndërkombëtar po luan për reformën në drejtësi, e cila sipas tij po rezulton një operacion i dështuar që e ka lënë vendin prej 3 vitesh pa Gjykatë Kushtetuese.

Shtetet e Bashkuara janë leva që vuri në lëvizje reformën në drejtësi dhe që pamvarësisht se mosekpozimit dirigjon në prapaskenë të gjithë procesin. Politika ka krijuar shumë kakofoni mbi ata që e mbështesin ose jo këtë reformë, e cila do kurorëzohet me arrestime zyrtarësh apo ish-zyrtarësh të lartë. Në një intervistë për Televizionin Publik,  Prokurori dhe ish-agjenti i FBI, Gjon Juncaj, i cili ka qëndruar për disa vite si ekspert i OPDAT në Tiranë thotë se jo në çdo rast deklaratat publike të politikanëve shprehin vullnetin e tyre.

Ka një kundërthënie logjike në pretendimet që ka mazhoranca për çështjen e shumëpërfolur të Xhisiela Malokut dhe dyshimeve nëse është kërcënuar ish-oficeri Emiljano Nuhu për të mos arrestuar djalin e deputetit socialist Rahman Rraja. Eksperiza mjeko-ligjore provoi ushtrimin e dhunës në kufijtë e torturës dhe kjo penalizoi 24-vjeçarin që gjithsesi u la në burg vetëm për përndjekje.

Ilir Meta është përfolur si mentori i ish-kryeprokurorit Adriatik Llalla dhe si të thuash dirigjent i presioneve apo shantazheve politike që formatoheshin në zyrat e Prokurorisë në shërbim të LSI-së.

Një lidhje që vazhdon të qarkullojë në mjegullën që la pas ikja e palavdishme e Adriatik Llallës, të cilin  ambasadori amerikan e damkosi përfundimisht kur tha se ishte personi që kishte refuzuar të hetonte politikanë të lartë. Ndonëse ajo që do kujtohet nga zoti Llalla ishte shtatori i arrestimeve që nuk erdhi kurrë. 

Shefja e politikës së jashtme të Bashkimit Evropian, Federica Mogherini tha në Uashington se shpreson që politikanët në Shqipëri të shfaqin unitet për zbatimin e reformës në drejtësi. Ajo vlerësoi votën unanime për reformën në drejtësi duke e quajtur miratimin, “një hap historik për vendin”. Por ajo tha se tani fokusi duhet të jetë tek zbatimi i saj.

Ish-kreu i Vetvendosjes, Albin Kurti është dyshues nëse reforma në drejtësi do të japë efekte. Duke bërë njënparalelizëm me Gjykatën Speciale të Kosovës ose EUELEX, Kurti thotë se pakti me ndërkombëtarët është që të ndëshkohen vetëm pushtetarë të vegjël lokalë, ndërsa ata që kanë votuar reformën nuk dotë preken.

Të gjitha pikëpyetjet që u ngritën pas vizitës së ndihmësmsekretares amerikane, Vikroria Nuland janë mbi përmbajtjen e propozimit që SHBA u ka ofruar palëve për reformën në drejtësi. Palët janë treguar të rezervuara për të dhënë detaje mbi këtë propozim, aq sa Petrit Vasili u detyrua t'i drejtohet me një letër kryetarit të Komisionitë të Posaçëm të Reforms, Fatmir Xhafaj për të mësuar çfarë po negociohet.

Teksa pritej një qëndrim zyrtarnga kryetari i PD-së, Lulzim Basha pas deklaratave të ambasadoit Lu që e bënte atë përgjegjës për mosarritjen e konsensusit të reformës në drejtësi, nga PartiaDemokratike ka ardhur gjithsesi një reagim. është deputeti Genc Pollo që shkruan se “Përsëri populizëm, arrogancë e madje folklorizëm mbi reformën në drejtësi. Shqip e anglisht. Duhet të bëhet, do të bëhet por siç duhet”

Kur shanset për kompromis janë thuajse zero dhe palët kanë ezuruar mundësitë e dialogut, qeveria po promovon së fundmi idenë e referendumit për paketën e ndryshimeve kushtetuese të reformës në drejtësi. Pas deputetit socialist Majko,edhe zv.kryeministri Niko Peleshi mendon si zgjidhje për miratimin e reformës në drejtësi mbajtjen e referendumit. Nëse parlamenti dështon me miratimin e reformes, Peleshi propozon që partitë të shprehen me votë për mbajtjen e referendumit.