arme kimike

Rusia pretendon se "grupe radikale ukrainase", të kontrolluara nga shërbimet speciale të Shteteve të Bashkuara, kanë përgatitur disa akte provokimi me "lëndë kimike toksike" në përpjekje për të fajësuar Moskën për përdorimin e dyshuar të "armëve kimike kundër popullatës civile".

Në një intervistë të parë pas sulmit me armë kimike në Idlib, presidenti sirian Bashar al -Assad ka deklaruar se bëhet fjalë për një fabrikim të plotë. Ai ka shtuar se arsenali luftarak kimik i Sirisë i është dorëzuar amerikanëve vite më parë, të cilët sipas tij drejtuan oepracionin e transportit dhe shkatërrimit të tyre.

Shtohen dyshimet se Bashar Al Asad ka përdorur armë kimike gjatë sulmeve kundër rebelëve në Alepo ditët e fundit. Një video dokument i publikuar nga BBC tregon pamje nga një spital në Alepo ku dhjetra banorë, mes të cilëve fëmijë e të moshuar shfaqin probleme të theksuara me frymëmarrjen.

Dyndja e banorëve në spital erdhi pas bombardimeve që ndërmori ushtria siriane në disa zona të qytetit. Mjekët përpiqen të trajtojnë me maska oksigjeni fëmijë e të rritur që janë të panikuar nga vështirësia në frymëmarrje.