agim krajka
Me gjuhën e “Belinit”
Një kompozitor me emër, jo detyrimisht mund të përfaqësojë indeksin e popullaritetit që ka fituar muzika e tij. Dhe talenti jo domosdoshmërisht lidhet me vlerat jashtë muzikës. Fjala është për kompozitorin Agim Krajka që u është përgjigjur polemikave për përfshirjen e tij në listën e personave që hartonin raporte për artistët në kohën e Partisë së Punës. Mbrojtja e tij provon se përveç partiturave Krajka ka patur kohë të merret edhe me jetën private të këngëtarëve, duke gjykuar në emër të moralit të shëndoshë.
Bashkëshortja e Agim Krajkës: "Kemi qenë të persekutuar. Unë kam punuar në Opera. Regjimi kishte frikë nga këngët e Agimit se mos shkaktonin revolucion"
Një ditë pasi Sherif Merdani deklaroi live në emisionin "Opinion" se kompozitori Agim Krajka ishte spiun ka reaguar bashkëshortja e kompozitorit, Ami Krajka. Në një intervistë për Opinion.al, znj.Krajka thotë se Sherif Merdani është keqkuptuar. “Krajka ka qenë vetë i persekutuar dhe kemi jetuar me frikë”, tha ajo.
