Blloku Shkenca

Harta në fjalë është realizuar nga Dr Brent Tully, i Universitetit të Hawait. Ajo synon të lokalizojë Rrugën e Qumshtit në lidhje me galaktika të tjera, në kuadrin e asaj që quhet Përqendrimi Shapley, ku ndodhen qindra mijëra galaktika, e që po e shtyjnë galaktikën tonë drejt yjësisë Centaurus, në qiellin jugor. http://www.dailymail.co.uk/sciencetech/article-3121912/You-incredible-ma...

Arkeologët kanë zbuluar së fundmi një monument masiv guri, vetëm dy milje larg nga siti i famshëm i Stonehenge në Britani. Bëhet fjalë për një hapësirë të përdorur për rituale dhe konsiston në një strukturë me gurë të mëdhenj të renditur në formën e një C-je. Përmes radarëve është bërë e mundur të merren imazhet e rreth 30 gurëve masivë me lartësi deri në 4.5 m, shoqëruar nga fragmentet e rreth 60 gurëve të tjerë nën tokë, çka jep idenë e një monumenti.

Një studim i publikuar në revistën Clinical Infectious Diseases, tregon se përdorimi i pilulave të përditshme profilaktike parandalon infektimin me HIV në masën 100%. Bëhët fjalë për ilaçe të miratuara në vitin 2012 nga Administrat e Ilaçeve dhe Ushqimit në ShBA, emtricitabine dhe tenofovir, të cilat u këshillohen njerëzve që kanë rrezik të lartë ekspozimi ndaj infektimit me HIV. Këta duhet të marrin pilulat në fjalë në doza ditore, e të cilat tregtohen nën emrin Truvada.

Me shikim nga Toka në një distancë tre herë më të madhe se diametri i planetit, pra 35.4056 kilometra, sateliti japonez Himawari-8 lejon shikimin e organizmit masiv organik, në pulsimin e tij të vazhdueshëm. I lokalizuar në orbitë të palëvizshmë mbi Guinean e Re, sateliti merr 144 fotografi të planetit çdo dite, tri herë më shumë se paraardhësi i tij. Imazhet tregojnë se si sistemet e motit evolojnë, duke ndihmuar kështu në zhvillim e modeleve më të sakta të atmosferës së Tokës.

Një lajm i mirë, por edhe një i keq raportojnë së fundmi një grup prej 38 shkencëtarësh. Sipas një studimi të publikuar në “Nature”, në Tokë ka rreth 3.04 trilion pemë, duke hedhur poshtë vlerësimin e mëparshëm që jepte shifrën e 400 miliardëve. Sipas këtij vlerësimi rezulton se për çdo njeri në planet, ka 422 pemë. Por lajmi i keq është se totali i pemëve që ekzistojnë është sërish 46% më e ulët krahasuar me kohën kur njeriu nisi shpyllëzimin.

Njerëzimi është ende në një rrugë e gjatë për krijimin e tuneleve hapësirë-kohë (nëse do të jetë e mundur), por kjo nuk është ndalur nga ana e studiuesve spanjollë për arritjen e diçkaje të ngjashme për magnetizmin. Ata kanë prodhuar diçka të ngjashme me një tunel, i cili ka efekt transportimin e një fushe magnetike nga një pikë në një hapësirë tjetër nëpërmjet një rruge të “padukshme”. Kurthi  është për të transmetuar fusha magnetike midis dy sferave të lidhura me një multi-shtresë, duke përdredhur një spirale si cilindër, me materiale që fsheh fushat, ndërsa ato kalojnë tranzit.

Shkencëtarët raportojnë së fundmi zbulimin e një “anomalie” befasuese në galaktikën Markarian 231, 600 milionë vjet dritë larg nga Toka. Në këtë galaktikë është zbuluar, nga vëzhgimet përmes teleskopit Hubble, një quasar që ushqehet nga dy vrima të zeza. Quasarët janë rajone kompakte që qarkojnë një vrimë të zezë supermasive në qendër të një galaktike. Janë objektet më të shndritshme që njihen dhe mendohet se janë krijuar 12 miliardë vjet më parë nga kolizioni i galaktikave dhe bashkimi i vrimave të zeza të tyre në një vrimë të zezë supermasive.

Në Greqi njoftohet zbulimi i një qyteti të madh të epokës së bronzit, por rrënojat e të cilit ndodhen nën ujë. Zbulimi është bërë në detin Egje dhe mendohet se rrënojat shkojnë 4500 vjet më parë. Bëhet fjalë për struktura mbrojtëse, kulla, dysheme të veshura, kalime, qeramikë etj.. Ka qenë një ekip zhytësish arkeologë të Universitetit të Gjenevës që ka bërë zbulimin në gjiun e Kiladhës në Peleoponez. Muret janë të njëkohshme me piramidat e Gizës dhe siç njoftohet i paraprijnë qytetërimit mike as në kohë me 1000-1500 vjet.

Sonda e NASA-s New Horizons, e cila fluturoi duke e kaluar Plutonin muajin e shkuar, tanimë ka një objektiv të dytë për të arritur. Ekipi i New Horizons ka zgjedhur një objekt të quajtur 2014 MU69, i cili shtrihet afërsisht 1 bilion milje (1.6 miliardë kilometra) përtej Plutonit, si objektivin e ardhshëm për të studiuar nga afër anijen, njoftoi NASA. Megjithatë, agjencia hapësinore duhet të miratojë zyrtarisht një zgjatje të misionit New Horizons për fluturimin në një fazë të dytë, i cili planifikohet në 2019.