Blloku Politikë

Vizita e Edi Ramës në Beograd në kuadër të Forumit për Sigurinë duket se po i shërben vetëm humorit të kryeministrit sesa një axhende serioze politike për marrëdhëniet mes dy vendeve. E para sepse kryeministri Rama prezantohet në Beograd si kryeministër i gjithë shqiptarëve, çka nuk është e vërtetë as në kuptimin simbolik të fjalës. Ai nuk ka negociuar dhe nuk mund të negociojë asgjë në lidhje me Kosovën.

Ilir Meta ka dhënë një tjetër mesazh sot rreth marrëdhënieve greko – shqiptare të cilat janë instrumentalizuar për qëllime elektorale. Duke folur në një intervistë për “AbcNeës”, Meka ka deklaruar se raportet greko – shqiptare nuk mund të barazohen me çështjen çame, pasi ato janë shumë më komplekse dhe implikojnë interesa më të gjera sesa kaq. Ai e ka quajtur një plagë çështjen çame, por ka ecur më tej kur ka folur për “konsensus të përgjithshëm”, për një rol të ri të Parlamentit dhe për “promovimin e një axhende pozitive greko – shqiptare”.

Minoriteti grek me ose pa të drejtë është parë shumë herë  si zgjatim i politikës greke në Shqipëri në një terren ku infleuncat nga jashtë kanë dominuar shpesh herë jo vetëm axhendat e grupimeve të caktuara, por edhe të vetë partive politike.

Sot Elvis Roshi përfitoi një masë lehtësuese nga gjykata. Ai fitoi ndryshim të masës së sigurisë nga arrest shtëpiak në detyrim paraqitjeje.

Vizita e Ilir Metës në Athinë duket se po nxjerrë në plan të dytë protagonizmin e deridjeshëm të ministrit të Jashtëm, Ditmir Bushati apo kryeministrit Rama lidhur me Greqinë. Manovra me përgjigjien e Komisionerit Hahn u duk sikur i dha qeverisë shqiptare një lloj revanshi në raport me axhendën shqiptaro-greke, por një vizitë e papritur e kryetarit të kuvendit Ilir Meta në Greqi projektoi një linjë tjetër të politikës së jashtme me Greqinë, të distancuar nga qasja e kryeministrit Rama dhe partnerit në qeveri, Shpëtim Idrizi.

Faktet e bëra publike për implikim të strukturave të policisë në trafiqet e drogës kanë detyruar kryeministrin të bëjë një hap mbrapa nga qëndrimet e tij sipas të cilave çdo akuzë mbi policinë është vetëm baltë e opozitës. Përballë fakteve që kanë dalë nga hetimet në të paktën dy raste, drogën në Dibër dhe Vlorë, ku në prangat e policisë ka rënë vëllai i shefit të komisariatit të Dibrës i kapur në flagrancë me kokainë, ndërsa është shpallur në kërkim një inspektor i policisë së Vlorës, kreu i qeverisë ka pranuar se në trupën e policisë ka elementë që e tradhëtojnë punën e saj.

Deputeti i LSI, Përparim Spahiu, kandidat në garën për kreun e kësaj partia, ka deklaruar dje se LSI duhet të ketë kandidatin e saj për kryeministër në zgjedhjet e 2017. Madje sipas tij, ky duhet të jetë kusht për koalicionin. Në fjalimin e parë publik mbajtur në Pukë, në kuadër të fushatës për kreun e LSI, Përparim Spahiu ka deklaruar se LSI po rritet dhe për këtë arsye në 2017 duhet të ketë kandidatin e saj për kryeministër.

Për zgjedhjet e 2013-ës pati vërejtje serioze nga OSBE-ODIHR që bëri 29 rekomandime për të shmangur ndikimin politik të administratës mbi zgjedhjet dhe fenomenin e blerjes së votës. Procesi u çertifikua si konkurues por u kontestua nga opozita për parregullsi. Palët u angazhuan të ndërhyjnë në Kodon Zgjedhor për të bërë rregullimet e nevojshme, por 8 muaj para zgjedhjeve qeveria thotë se nuk ka kohë për ndryshime thelbësore. Kryetari socialist i Komisionit të Reformës Zgjedhore, Taulant Balla tha se është e pamundur të shkohet në votim dhe numërim elektronike, sipas kërkesave të opozitës.

Deklaratat fyese ndaj medias, në lidhje me importin e mbetjeve, Drejtuesi i Unionit të Gazetarëve Aleksandër Çipa i konsideroi kosto politike për kryeminsitrin Edi Rama. I ftuar në studion e "Tema Tv" Çipa tha se rikthimi i ligjit të mbetjeve dhe gjuha e përdorur ndaj medias janë në dëm të qeverisë dhe drejtuesit të saj.

Në dritën e akuzave dhe dëshmive për vdekjen e 17- vjeçarit Ardit Gjoklaj, kryebashkiaku i Tiranës, Erion Veliaj i shmanget çdo përgjegjësie të bashkisë mbi ngjarjen tragjike në landfillin e Sharrës, duke i besuar talentit për të paraqitur veten si heroin pozitiv të ndryshimit. Por përtej kësaj retorike që Veliaj e ka mësuar përmendsh faktet janë kokëforta dhe përgjigjet duhen dhënë diku tjetër. Argumentat që jep kryetari i bashkisë se akuzat vijnë nga dashakeqësia e medias dhe opozitës nuk janë bindëse dhe as ligjërisht të vlefshme.