Blloku Politikë

Njeri i afërt me kryeministrin, president i një klubi futbolli dhe ish-qeveritar i rangut të dytë. Safet Gjici i cili ka mbajtur detyrën e prefektit të  Qarkut të Kukësit akuzohet se ka përfituar fonde publike në shumën e 25.2 milionë dollarëve përmes kompanive që ka transferuar tek të tretët.

Partia Demokratike pretendon se përmes dy shoqërive të ruajtjes fizike,  EUROGJICI SECURITY dhe TONI SECURITY, Gjici  ka përfituar 315 tendera, me vlerë 25.2 mln  nga të cilat 171 pa garë

Po ushtojnë tamburët e suksesit të merituar të Majlinda Bregut që u zgjodh sekretare e Përgjithshme e Këshillit Rajonal të Bashkëpunimit. Ministri i Jashtëm Ditmir Bushati lëshoi sot një deklaratë urimi duke kujtuar ndoshta me këtë rast se zonja Bregu që po mbulohet nga disa media me dafinat e një suksesi që nuk është personal, e ka detyrën një dhuratë nga qeveria shqiptare. Zëri i Amerikës e konfirmon indirekt këtë, kur interpreton se caktimi i Bregut në detyrën në fjalë, ka ardhur si kompromis me Podgoricën zyrtare.

Presidenti i Këshillit të Europës, Donald Tusk ka nisur turin ballkanik një javor që do të shërbejë për përgatitjen e samitit të Sofjes më 17 maj. Në fjalën e mbajtur pas takimit me kryeministrin Edi Rama, Tusk ka shprehur mbështetjen e plotë personal për aspiratën e Shqipërisë, por nuk ka munguar të kujtojë se hapja e negociatave është një process i vështirë dhe me pengesa.

Departamenti Amerikan i Mbrojtjes ka shmangur në njofimin zyrtar për vizitën e ministres së Mbrojtjes së Shqipërisë, të paraqitjes së kërkesës për vendosjen e bazave amerikane. Në njoftim DAM raporton vetëm për përgëzimet që sekretari James Mattis ka përcjellë për rolin e Shqipërisë në luftën kundër Shtetit Islamik dhe për kontributin e vendit tonë në NATO.

Ka ndërruar jetë në moshën 92 vjeçare Liri Belishova.ajo është e njohur për opinionin publik shqiptar të para viteve ’90, por edhe brezin më të ri të pas viteve ’90.

Belishova lindi në vitin 1926 në Belishovë të Mallakastrës në një familje të ngritur të krahinës në fjalë.

Gazeta gjermane tagesspiegel.de zbulon se në gjirin e BE-së ka një debat nëse duhet të fillojnë bisedimet e pranimit me Shqipërinë. Ajo i referohet diskutimeve në Bundestag dhe konkretisht qëndrimit të  kryetarit të Komitetit të Evropës në parlamentin gjerman, Gunther Krichbaum (CDU),

3-vjet pas zgjedhjes në krye të Omonia-s, Lonidha Papa jep dorëheqjen nga drejtimi i organizatës që përfaqëson minoritetin grek në Shqipëri. Papa kishte nisur një fushatë riorganizimi të OMONIA-s për të futur parimin një anëtar një votë me takime në të gjitha strukturat, duke synuar hapjen e organizatës, që për shumë vite ka funksionuar si mbështetje politike për PBDNJ-në. 

Me titullin “Karrota për Shqipërinë dhe Maqedoninë, bashkim doganor me Turqinë”, EURACTIV ka pasqyruar një intervistë të Komisionerit të Zgjerimit, Johannes Hahn ku ai komenton zhvillimet e fundit dhe arsyet pse Komisioni ka vendosur të rekomandojë hapjen e negociatave të pranimit me Shqipërinë dhe Maqedoninë. Ajo që lihet të kuptohet është se Brukseli ka ndjekur edhe këtë radhë të njëjtën filozofi me vendet e Ballknanit, atë të karrotës dhe kamzhikut.

Ministri Damian Gjiknuri ka premtuar nga Fieri se qeveria ka rënë dakord me kompaninë Bankers për të lëvruar fondin e dëmshpërblimeve  për banesat e dëmtuara në fshatin Zharrëz. Një vendim me dëmet dhe shumat përkatëse të dëmshpëblimeve tashmë është në fuqi, por Bankers nuk ka pranuar të nxjerrë para nga buxheti i vet, me arsyetimin se shkaqet për dëmtimet kanë qenë natyrore dhe jo si rezultat i aktivitetit të saj.

Reforma në drejtësi ka futur në kaos edhe Gjykatën e Lartë. Mbarimi i mandatit të disa gjyqtarëve ka bërë që në Gjykatën e Lartë të mbesin 9 gjyqtarë nga 19 që duhet të ishin normalisht. Ndërkohë 9 gjyqtarët e mbetur kanë për të gjykuar mbi 26 mijë dosje, çka është në fakt paralizim i punës. Nuk dihet sesi do të procedohet për të zgjidhur këtë situatë që vazhdon prej kohësh dhe mbi të gjitha nuk dihet sa është kostoja e këtij bllokimi absurd që mban peng marrëdhënie civile, administrative dhe penale për mbarë vendin. 

TvT