Blloku Politikë

Ambasadori i OSBE-së në Shqipëri, Bernd Borchard kërkon arrestimin e personave që kanë manipuluar dhe shkelur ligjin në zgjedhjet e qershorit. Gjatë fjalës së tij në mbledhjen e komisionit të posaçëm të reformës zgjedhore deklaroi se pret me padurim vendimet. Ndërkohë i kërkoi komisionit të përfundojë reformën deri në korrik.

TvT

Ish-kryeministri i Italisë, Massimo D’Alema i ka dhënë një intervistë të përditshmes “Albanian Daily News” përmes së cilës flet për zhvillimet në Europë por edhe komenton proceset në Ballkan. D’Alema pranon se Bashkimi Europian aktualisht është i çorientuar duke u ndalur edhe te hapja e negociatave që së fundmi u rekomandua për Shqipërinë dhe Maqedoninë.

Komisioni i Pavarur i Kualifikimit ka shkarkuar prokuroren e Apelit në Shkodër, Besa Nikëhasani, e cila nuk e ka pritur mirë vendimin. Në një prononcim për mediat Nikëhasani kërkon prova dhe flet për karrierën e vet. 

Deklaratat e presidentit francez, Emmanuel Macron në Parlamentin Europian, janë lexuar gjerësisht si një Jo e Francës për hapjen e negociatave apo negociimin e disa kapitujve me vendet e Ballkanit Perëndimor. Por përfaqësuesi diplomatik i Francës në Beograd, ambasadori, Frederic Mondoloni, ka dalë posaçërisht për mediat serbe për të sqaruar se ky mesazh i Macron nuk ka të bëjë me Serbinë.

Universiteti i Goergtown në SHBA publikon së fundmi disa dokumente të rëndësishme të Arkivës Kombëtare Amerikane që zbulojnë evolucionin e strategjisë së zgjerimit të NATO-s drejt Lindjes së Europës. Dokumentet përfshijnë edhe bisedat mes dy ish-presidentëve Bil Clinton dhe Boris Jelcin, që duket se kishin edhe miqësi personale. Materialet jepen në formatin orgjininale, pra faksimile, por paraprihen nga një analizë kritike e tyre për të shpjeguar kontekstin dhe për të kryqëzuar

Në fund të muajit Prill Patriarkut i Moskës Kiril do të vizitojë Shqipërinë. Lajmi është bërë i ditur nga zëdhënësi i Patriarkanës së Moskës, i cili shtoi gjithashtu se Patriarku Kiril dhe kryepeshkopi Janullatos kanë njohje miqësore me njëri-tjetrin prej më shumë se 50 vitesh.

Lulzim Basha i ndodhur në Gjermani për disa takime me grupin parlamentar të CDU-CSU të kancelares Merkel reagoi për vendimin e Komisionit Europian për t’i dhënë Shqipërisë rekomandimin për hapjen e negociatave. Basha thotë në deklaratën e tij se vendimi i Komisionit është  është shprehje e vullnetit politik të BE-së për të mbështetur aspiratën europiane të Shqipërisë dhe se ka vende si Gjermania që janë skeptike për të dhënë në takimin e Këshillit Europian në 28-29 qershor votën pro hapjes së negociatave.

Nuk ka vonuar dhe kryeministri Rama  i ka dhënë merita vetes dhe qeverisë që drejton për rekomandimin e hapjes së negociatave me Bashkimin Europian, duke përmbledhur në një monolog eklektik kontributin që sipas tij ai dhe Partia Socialiste kanë dhënë në këtë drejtim.

Shqipëria mori më në fund rekomandimin pa kushte të Komisionit për hapjen e negociatave të anëtarësimit në Bashkimin Europian, një vendim me rëndësi simbolike për momentin pasi procesi do të duhet të marrë miratimin e vendeve anëtare në mënyrë që Shqipëria të hedhë hapin e radhës. Bonusi politik i shkon qeverisë që tashmë ka një argument më shumë për të thënë se po udhëheq vendin në drejtimin e duhur për aq kohë sa ka plotësuar prioritetet e integrimit.

Ballkani ka bërë mbrapa në gjendjen e demokracisë. Ky është mendimi i Joan Hoey, drejtuesja Rajonale për Europën në Njësinë e Inteligjencës pjesë e grupit që publikon edhe revistën e njohur “The Economist”.

Në një intervistë për “European Western Balkans”, Hoey thotë se se situata demokratike në Ballkan është shqetësuese dhe ajo ka shënuar një rënie me 9% mes viteve 2006-2017 që është më e lartë se rënia në mbarë Europën.