Blloku Politikë

Vëllai i ministrit të Brendshëm, Fatmir Xhafaj, është dorëzuar pranë autoriteteve italiane të cilat kanë lëshuar një vendim dënimi për të. Përmes një letre publike të shpërndarë sot në disa media, Agron Xhafaj, thotë se po dorëzohet edhe pse nuk është i kërkuar.

Kryeministri Edi Rama është takuar sot me presidentin francez, Emmanuel Macron, në një vizitë synon aprovimin e Francës për hapjen e negociatave të anëtarësimit të Shqipërisë në BE. Nuk ka ende një deklaratë zyrtare, por Franca hyn mes vendeve që nuk e miratojnë për momentin kërkesën shqiptare.

Biznesmeni Gaz Demi, president i Klubit të futbollit “Partizani”, ka reaguar sot ndaj akuzave të ish-kryeministrit Sali Berisha për të ashtuquajturin takim të tijin me ish-ministrin e Brendshëm Saimir Tahiri. Më poshtë deklarimi i z. Demi përcjellë për “ResPublica”: 

Gazeta zyrtare e Partisë Demokratike, “Rilindja Demokratike” hapej sot me një kopertinë me titullin: Javë arrestimesh?

Në foto siç shihet paraqitet ministri i Brendshëm, Fatmir Xhafaj dhe ish-ministri Saimir Tahiri.  Nuk dihet nga buron ky entuziazëm i PD-së e cila nuk ka atë forcë të tillë politike sa të përligjë arrestimin e dy zyrtarëve të lartë të PS-së. Për Tahirin është tanimë në fuqi arresti shtëpiak, por për Xhafën, PD-ja ka paraqitur disa akuza dhe një audio-përgjim të cilat i shpall si prova të mjaftueshme për largim e mandej arrestim të tillë.

Ka më shumë se gjashtë muaj që e kemi parë kryeministrin Edi Rama të vërë në veprim praktikën e vendimmarrjes direkte për raste të supozuara korrupsioni. Shkarkimi masiv i drejtorëve të hipotekave, pastaj i drejtorëve të spitaleve, të cilëve iu kërkuar dorëheqje nën presion. Praktika duket se është korrigjues i mirë i vegjetimit administrativ dhe korrupsionit, por në thelb ajo provon se korrupsioni është sistemtik, themelor në Shqipëri dhe se në këto kushte, kryeministri është vetë Institucioni.

Ndonëse votoi pro rezolutës turke në Organizatën e Kombeve të Bashkuara, Tirana zyrtare ka vendosur të mos e bojkotojë ceremoninë e përurimit të ambasadës amerikane në Jeruzalem. Mediat e Izraelit njoftojnë se nga ftesat e dërguara për përfaqësuesit e 86 vendeve të ndryshme, vetëm 33 e kanë pranuar atë, ndërkohë që pjesa më e madhe ka vendosur të bojkotojë. 

Personazhi më i ekspozuar në çështjen Tahiri është padiskutim kryeministri i vendit. Kjo për shkak të reagimeve disproporcionale për ish-ministrin e tij,  të cilin njëherë e quajti kampioni ynë, njëherë dru i shtrembër, njëherë viktimë të prokurorisë politike dhe së fundmi provë për drejtësi jopolitike. Flagrant është qëndrimi i tij për Prokurorinë, i pari në tetor të vitit të kaluar kur grupi hetimor me në krye Besim Hajdarmatajn kërkoi arrestimin e Tahirit dhe i dyti një ditë më parë kur Gjykata e Krimeve të Rënda vendosi masën e arrestit të shtëpisë për ish-ministrin e Brendshëm.

Të shtunën Shqipërinë e vizitoi ministri  gjerman për Evropën, Michael Roth, i cili doli edhe në një konferencë për shtyp me homologun shqiptar, Ditmir Bushati. Përmbajtja e deklaratave tregoi se vizita ishte thjesht një ndihmë e sforcuar e socialdemokratëve gjermanë për qeverinë socialiste të Tiranës, mesa duket në kuadër të solidaritetit politik si anëtarë të së njëjtës familje. 

Çështja e Fatmir Xhafës vijon të pompohet fort nga PD që ka avancuar së fundmi në akuza penale për ministrin e Brendshëm dhe denoncim te partnerët ndërkombëtarë. Sali Berisha ka folur për burg, kur ai vetë është përballë një presioni penal që mund të projektohet nga ekstradimi në Shqipëri i Izet Haxhisë. 
Në një intervistë për Tv Klan ai ka kërkuar dorëheqjen e Xhafajt, duke ndjekur strategjinë e shantazhit. 

Ky grafit i përdorur në rrugët e Italisë pëcjelle klimën politike në Italinë fqinje. Bloomberg shkruan se me marrëveshjen mes lëvizjes Pesë Yje dhe Legës së Matteo Salvinit, vendi ra në duart e populizmit. 
Sipas medias në fjalë, pas Brexit dhe Trump, ky është rasti i tretë në Perëndim që populizmi dhe forcat antiestablishment marrin kontrollin. 

Grafiti në fjalë është një ide shumë interesante për të përcjellë edhe në Shqipëri puthjen Rama – Basha në maj të vitit të kaluar. Ndoshta i vetmi ndryshim është se këta të dy nuk i bashkon populizmi.