Blloku Politikë

Dy ish – presidentë të Republikës janë përfshrië së fundmi në një lloj polemike publike që provon nivelin e politikës shqiptare. Në librin e vet të fundit, ish-presidenti Bamir Topi, shkruan se Bujar Nishani punonte në një karburant. Zoti Topi rrëfen kujtimet e veta nga politika, të cilat po publikohen gjerësisht së fundmi në media.

Në replikën e vet, ish-presidenti Nishani ndër të tjera thotë:

PD nuk duket të jetë e braktisur nga ndërkombëtarët siç thotë qeveria në përpjekjen për t’i imponuar qeverisë një axhendë që do ta çojë vendin në shtyrjen e zgjedhjeve lokale dhe me gjasë në zgjedhje të parakohshme.

Deri më tani një pjesë e mirë e faktorit ndërkombëtar ka qenë e  pozicionuar pro qetësisë së mazhorancës, përveç gjermanëve të CDU-CSU-së që kanë kanë qenë të barazlarguar nga palët madje janë ofruar për të negociuar zgjidhjen e krizës.

Situata që po kalon vendi ka vendosur palët në një fushë veprimi, ku  cdo lëvizje është e kushtëzuar nga kokëfortësia e kryeministrit për të mos pranuar problemet me qeverisjen e tij dhe sidomos me njerëzit që janë nën hetim për ndërhyrje në zgjedhjet e 2017. Presidenti Meta, të cilin partitë e vogla të opozitës e ftuan të thërrasë një tryezë politike, mesa duket nuk ka ndërmend të bëhet protagonist, duke e shfaqur hapur se ky qëndrim i shërben lokalizimit të problemit që ai lë të kuptohet se është Edi Rama.

Zëri i Amerikës tha sot se nënkryetarit të LSI-së, Petrit Vasili i është refuzuar viza nga ambasada amerikane dhe se ai është një nga 170 zyrtarët që janë në listën e “zezë” të Departamentit të Shtetit. Zëri i amerikës nuk dha detaje por theksoi se refuzimi i vizave vjen si masë ndëshkimore ndaj zyrtarëve të korruptuar.

E ftuar në studio Monika Kryemadhi mohoi të kishte dijeni, por nuk përjashtoi që kjo masë ndaj Vasilit të ishte marrë.

Përmes Sekretarit të Përgjithshëm Gazment Bardhi, PD bëri të ditur se ka dërguar në KQZ emrat e anëtarëve që i takojnë PD në Komisionet Zonale Zgjedhore.

Argumenti është ky:

Teksa panorama për vendimin e qershorit po qartësohet, ku në lidhje me Shqipërinë nuk pritet të ketë ndonjë suprizë pasi është bërë e qartë që nuk do ketë dritë jeshile, Komisioneri i Zgjerimit Johannes Hahn thotë se problemet e Shqipërisë nuk mund të penalizojnë Maqedoninë e Veriut.

Kryeministri Edi Rama ka disa ditë që pyet kreun e opozitës Lulzim Basha: Kur do flasim? Ideja është të dialogohet e të arrihet një marrëveshje. Sot i njëjti kryeministër shpërndan në Facebook e vet fjalën e Taulant Ballës që flet në Parlament sikur të ishte Mehmet Shehu kur deklaronte se “Shqipëria nuk i njeh zonat e influencës”.

Zonja Gjylameti pranoi sot se udhëheqja e Partisë Socialiste është shumë e shqetësuar për shkrimin e gazetës gjermane "Bild“ sipas të cilës Shqipëria është një shtet që qeveriset nga gangsterët dhe ku kryeminsitri i saj është pjesë e një përgjimi në dosjen hetimore 339 për blerjen e zgjedhjeve.

Nuk ka sesi në fakt zonja Gjylameti dhe shokët socialistë të mos shqetësoheshin për skanerin që gazeta gjermane i ka bërë qeverisjes së zotit Rama sidomos për një çështje si ajo e zgjedhjeve, për të cilën ka folur më herët edhe Zëri i Amerikës.

Një lajm i mirë për kombin shqiptar: Besa Shahini, aktualisht ministre e Arsimit në Shqipëri, do të jetë gjatë në politikën shqiptare në Tiranë. Zonja e njofton haberin në një intervistë për gazetën “Mapo”, përmes së cilës bën me dije se është një gjë shumë e mirë që z. Rama hapi PS-në dhe qeverisjen për kosovarët.

Vangjel Tavo dhe Vangjel Dule raportuan te kryeministri grek Aleksis Tsipras mbi problemet e minoritetit grek në Shqipëri. Takimi mes tyre u zhvillua gjatë turit që shefi i qeverisë greke pati në Janinë.