Blloku Në Vëmendje

Ky në video është aktiviteti i prezantimit të rezultateve të Censit 2023. I pritur gjatë e gjatë, por i vonuar se janë standardet. Për ta drejtuar aktivitetin dhe paketuar si “një lajm fantastik”, siç e quajti një ministre rritjen e rrogave, ishte marrë një gazetar që shfaqej i lumtur. Sipas tij, edhe në media kishte patur kuriozitet të madh qëkur nisi Censi, sepse ishte hera e parë…Për çfarë? Po për çdo gjë, sepse me këtë qeveri është çdo gjë herë e parë.

Irani është një republikë fetare, ose demokraci fetare siç quhet vetë. Me përkufizimet e zakonshme ne jemi mësuar të dëgjojmë se Irani është diktaturë, autokraci nën drejtimin e disa gangsterëve që nuk e kanë gjë jetën e njeriut. Se zgjedhjet janë formalitet e kështu me radhë, çka në mënyrë intuitive na çon në reflektimin se në Iran nuk flet dot lirisht.

Hetimi i publikuar nga Prokuroria për skandalin në spitalin onkologjik në Tiranë shtron edhe një çështje tjetër që ka të bëjë me transparencën e qeverisë. Aktualisht do të duhej një deklaratë nga Ministria, nga QSUNT, nga mjekë pse jo, që të qetësonin disi, distancoheshin nga këto praktika, por edhe të jepnin mesazhe besimi.

Kanë zgjedhur heshtjen. Me gjasë po presë ta llapë i pari ai që duhet të llapte i fundit, sepse ky është edhe sistemi i ndërtuar në këtë vend.

Ajo çfarë ka dalë në sipërfaqe nga hetimet e njoftuara sot nga Prokuroria për spitalin Onkologjik në Tiranë nuk përbën më lajm. Mjekë që manipulojnë me gjendjen e të sëmurëve, spitali që degdis familjarët në farmaci për të blerë ilaçet që duhet të jenë të rimbursuara janë gjëra që nuk ka shqiptar që nuk i kë hequr në lëkurë nëse ka shkruar në spital.

Që mjeku do para, infermieri po ashtu, po edhe roja dhe sanitari këtë e pamë të gjithë sidomos gjatë pandemisë.

Grupi “Homeland Justice” ka publikuar sot të dhëna të tjera të qytetarëve shqiptarë, më saktë të dhënat e pasaportave të tyre shoqëruar me vendbanim dhe numër kontakti. Pak ditë më parë u publikuan të dhënat e qytetarëve të kartave të identitetit të shpërndara në 1330 faqe online. Sigurisht që janë dy baza të dhënash që qarkullojnë në disa mjedise të caktuara, sikundër p.sh noterët kanë një bazë të dhënash kadastrale tani që kadastra online nuk funksionon.

Mediat në Kosovë raportojnë se pyetjet dhe përgjigjet e Testit të Maturës kanë dalë në mediat sociale. Edhe këtë vit. Çka nënkupton se ky është një zanat i konsoliduar. Me këtë rast janë publikuar edhe foto nga profile në mediat sociale që qarkullojnë testin.

Është një dukuri që e has rëndom në Shqipëri për çdo vit. Aq sa është një gjë qesharake të mendosh seriozisht se fëmija yt duhet të lodhet për provimet e një testimi që publikohet paraprakisht.

Janë pamje nga një show televiziv, në orarin kur të gjitha moshat janë para ekranit.

“Përputhen”, një program sa i klikuar, aq edhe i kritikuar për shkeljen e etikës, ka kaluar çdo kufi.

Ekrani i Top Channel i serviri kësaj radhe audiencës një shfaqje në kufijtë e pornografisë.

Dy personazhe në qendër që vetëm rrobat i pengojnë të kryejnë një akt seksual, moderatorja që ekzaltohet dhe të pranishmit që zgurdullojnë sytë.

Nxënësit shqiptarë renditen të fundit në një klasifikim që ka bërë Programi për Vlerësimin Ndërkombëtar të Studentëve (PISA) për aftësinë e të menduarit në mënyrë krijuese.

PISA ka matur aftësitë e nxënësve 15 vjeçarë për të menduar në mënyrë krijuese si një mënyrë për të vlerësuar aftësinë e tyre për t’u angazhuar në mënyrë produktive në gjenerimin, vlerësimin dhe përmirësimin e ideve.

Efektet e ngrohjes globale do të vijnë duke u shtuar në vitet e ardhshme nëse nuk merren masa për të arritur objektivat e marrëveshjes së Parisit.

Në studion e MCN TV, ekologu Mihallaq Qirjo tha se rritja e temperaturës dhe si pasojë valët e të nxehtit, rënia e sasisë dhe reshjeve dhe zjarret janë efektet e menjëhershme të ngrohjes globale. Sipas tij, parashikohet që niveli i reshjeve të vijë duke rënë.

Pamjet tregojnë ndotjen urbane në Liqenin e Komanit, përndryshe një pasuri e vërtetë natyrore dhe mundësi turistike. Ironike nëse mendon se debati kryesor i këtyre viteve janë pikërisht mbetjet.