Blloku Në Vëmendje

Shqipëria votoi në një proces ku nuk munguan njerëzit e partive rreth qendrave të votimit, makinave pa targa, raportimet për shitblerje të votave dhe dyshimeve të forta për përdorimin e parasë masive në zgjedhje.

Zgjedhje që nuk ndryshojnë shumë nga të mëparshëmet nga ana administrative dhe politizimi i procesit. Komisioni Qëndror i Zgjedhjeve nuk ka rifreskuar në kohë të dhënat dhe 3 orë pas mbylljes së procesit përqindja e pjesëmarrjes raportohet zyrtarisht 45.6 për më pak se gjysma e qendrave të votimit.

Kandidati për deputet i PD-së Ervin Salianji, poston në Facebook këtë video bashkë me statusin përkatës:

"Nuk kane fund turpet dhe skandalet e Rilindjes, ne video komisionerja e Partise Socialiste Pranvera Begolli, duke nxjerre fletet e votimit per te verifikuar nese votuesi qe punon ne administrate ka votuar per PS ose jo?!"

Faqet online të ministrive dhe kryeministrisë, bashkë me agjencitë në varësi kanë dalë jashtë funksioni prej gati një ore. Duket se ose është fjala për një çështje administrimi rrjeti, ose për një sulm, ose më e keqja për një black out të qëllimshëm. Duhet thënë se faqet e institucioneve të pavaruara si Presidenca, Gjykata Kushtetuese, apo Kontrolli i Lartë i Shtetit janë funksionale, por jo faqja e Komisionit Qendror të Zgjedhjeve që është që nga ky moment porta krysore informative për zgjedhjet.

Televizionet në Shqipëri e kanë bërë traditë tashmë që ditën e zgjedhjeve të jenë në transmetim maratonë që kur hapen kutitë e votimit e deri në daljen e rezultateve. Kjo për shumë arsye që lidhen me kontekstin e zhvillimeve, frymën politike apo interesin e shoqërisë dhe pritshmëritë mbi ndryshimin që mund të sjellë një proces i tillë.

Policia njoftoi arrestimin e Kryetarit të Partisë Socialiste në Vorë,  Arben Marku dhe dy bashkëpunëtorëve të tij,  Luan Imeraj, 37 vjeç  dhe Luan Nela, 36 vjeç, pasi shfaqen në një video, duke i kërkuar votën shtetasit Luan Imeraj i cili është edhe përkrahës i një subjekti politik në këmbim të një vendi pune.

Kryeministri Edi Rama ka dhënë një intervistë për emisionin “Përballë” në RTSH.  Ndonëse përflitej dhe hamendësohej, me këtë dalje, Rama ka bërë të qartë se edhe nëse merr 71 mandate ai do të ftojë parti të tjera në koalicion. Por kësaj radhe sipas tij, duke qenë se PS-ja është e pashantazhueshme, koalicionet do të jenë programore.

Edhe në këto zgjedhje duket se do të përsëritet i njëjti fenomen, ai i shitblerjes së votës. Një ditë para hapjes së kutive të votimit ka raportime për përdorim të parave nga individë që përfaqësojnë subjekte politike. Ministri Dritan Demiraj deklaroi se  ka patur 250 denoncime dhe 25 të arrestuar për shitblerje të votës.Drejtori i Autoritetit Rrugor Shqiptar, Dashamir Xhika, është kallzuar në prokurori për shitblerje votash në qytetin e Cerrikut dhe zonat përreth.

8 qytetarë në 6 muaj. Bëhet fjalë për shfaqjen e tuberkulozit në Durrës, që ka prekur ndër të tjerë edhe dy punonjëse të spitalit rajonal të qytetit. Sipas deklarimeve nga spitali infeksioni ka ardhur nga burime jashtë spitalit ndërkohë që një muaj më parë një banore, pjesë e komunitetit rom vdiq pasi nuk mori mjekim. 

Në 2-vjetorin e inagurimit si kryebashkiak i Tiranës, Erion Veliaj tha se ka bërë 800 punë në 800 ditë. Ky bilanc mbetet gjithsesi i diskutueshëm për aq kohë sa lista është ekskluzivitet i bashkisë që mund të quajë punë edhe ndërrimin e letrave në banjot e bashkisë, pamvarësisht se mund të paragjykohet për rendimentin apo impaktin që ka kjo në mbarëvajtjen e punëve të Tiranës. 

Pak ditë përpara zgjedhjeve parlamentare të 25 qershorit, presidenti i Partive Popullore Europiane, Joseph Daul ka dërguar një mesazh për kreun e PD-së, Lulzim Basha. Sipas Daul PD-ja përfaqëson të vetmen alternativë të besueshme për ringritjen ekonomike të Shqipërisë dhe e vetmja që ka një plan konkret në këto zgjedhje.

Daul po ashtu ka tërhequr vëmendjen për eventualitetin e problemeve në zgjedhjet parlamentare.