Blloku Në Vëmendje

Vrasja e politikanit serb të Kosovës, Oliver Ivanovic ka ngritur shumë pikëpyetje, se kush qëndron pas këtij atentati.  Më shumë se teori konspirative, gazetari Baton Haxhiu ka ndërtuar një analizë që sipas tij çon në përfundimin se në vrasjen e Ivanoviç ka dorë presidenti serb, Aleksandër Vuçiç. 

Analiza e Baton Haxhiut

Në dhjetor të vitit të kaluar peshëngritësja shqiptare, Romela Begaj u shpall kampione e Botës duke fituar medalje ari në stilin e shkëputjes. Por historia është përsëritur ashtu si në vitin 2014 kur ajo rezultoi me doping pas suksesit në boterorin e Kazakistanit. Sipas Top Channel, testi antidoping e ka nxjerrë atë pozitive, duke i shtuar një tjetër njollë peshëngritjes shqiptare.

Lideri i iniciativës qytetare "Liria, Demokracia, Drejtësia" SDP në Kosovë, Oliver Ivanoviç u vra me armë zjarri mëngjesin e së martës në Mitrovicë. Rrethanat e kësaj ngjarje janë ende të paqarta, por ajo që raportojnë mediat serbe është se Ivanoviç u godit me gjashtë plumba në gjoks dhe u transferua në një spital në Kosovska Mitrovica në gjendje të rëndë.

PD dorezoi ne Prokurorine e Krimeve te Renda kopjen origjinale te polices nderkombetare te sigurimit per Audin AA 003 GB, që sipas saj  fakton se ish-ministri i Brendshëm Sajmir Tahiri dhe vëllezërit Habilaj kane qënë bashkëpërdorues të makinës.

Hetimi për Sajmir Tahirin nuk është një proces që po ngjall besim dhe ashtu si shumë çështje të tjera ka marrë vëmendjen e ambasadës amerikane, e cila kërkon të përfshihet direkt në hetime. Interesin amerikan e ka shprehur ambasadori Donald Lu, pas një takimi me ministrin e Brendshëm, Fatmir Xhafaj.

Ajo që përflitej prej javësh se Bashkim Fino do të ishte rivali i Agron Dukës në garën për president i FSHF-së u zyrtarizua. Deputeti socialist deklaroi nga studio e Televizionit Publik Shqiptar se nxitja për kandidimin  ka ardhë nga pasioni i tij për futbollin, por edhe mbështetja e miqve të tij. Ai parashtroi dhe platformën ku si pika kryesore janë, privatizimi i klubeve, transparenca e fondeve, ngritja e akademive sportive dhe kufizimi në dy mandate i drejtimit të FSHF-së.

Procesi për identifikimin e trupave të rënë gjatë luftës italo-greke, pas vendimit të muajit dhjetor do të nisë nga puna në terren, sipas një harte të miratuar nga komisioni i përbashkët. Gjeneral Dedë Prenga, kryetar i komisionit shtetëror, në një intervistë për Tema Tv tregon detajet e marrëveshjes, ndërsa hedh poshtë zërat për ngritjen e varrezave të reja.

Nëse mund të ketë një përkufizim mbi qeverisjen socialiste është moralizimi për shtetin e së drejtës. Për shumë arsye kjo retorikë ka gjetur audiencë, duke legjitimuar padjtësitë e pushtetit në emër të votës së shumicës.

Edi Rama zhvilloi një takim me infermierë për të prezantuar Portalin për Infermierë, një mekanizëm që sipas tij do t’i japë fund emërimeve nepotike apo klienteliste në sektorin e shëndetësisë. Këtu ai gjeti rastin të shfajësohet për filozofinë me të cilën qeverisi mandatin e parë ku sipas tij pati shumë raste ku në vend të infermierëve me përvojë që i thoshin gjilpërës gjilpërë u rekrutuan të afërm deputetësh që i thoshin gjilpërës gozhdë.

Gjetja e një zgjidhje për emrin e Maqedonisë nuk do të shtrohet për miratim në referendum. Si Athina dhe Shkupi duket se kanë rënë dakord të gjejnë një emërues  politik bazuar në propozimet e negociatorit të OKB-së, Methju Nimiç me pëlqimin e palëve për variantet që janë në tavolinë. 
Zv/kryeministri i Maqedonisë, Bujar Osmani (përfaqësues i BDI-së) i cili këtë të martë viziton Athinën deklaroi se mbajtja e një referendumi të mundshëm në Maqedoni mund të ngarkonte procesin dhe të vështirësonte gjetjen e një zgjidhje.