Blloku Në Vëmendje

Punonjësit e policisë që do t’i nënshtrohen Vetting-ut mund të deklarojnë deri në 1.5 milionë lekë  të ardhura të përfituara jashtë skemës së kontrollit tatimor.

Ky është një nga “lëshimet” ne ligjin që synon të pastrojë radhët e policisë nga efektivet e korruptuar.Të gjithë efektivet që kanë të ardhura të përfituara nga puna në të zezë apo nga aktivitete që nuk i justifikojnë dot ligjërisht, do t’u duhet të bejne një deklarim mbi burimin e kesaj shume, por nuk jane te detyruar ta dokumentojne, raporton Tv Klan.

Dy ish-zyrtarët e LSI-së, Andi Toma, dhe Dashamir Xhika akuzohen për shpërdorim detyre në rastin e rrugës Elbasan-Gjinar.

I pari drejtor i Përgjithshëm i Autoritetit Rrugor Shqiptar në periudhën Tetor 2013 – Shtator 2017 dhe i dyti Drejtor i Përgjithshëm i Autoritetit Rrugor Shqiptar në periudhën 2008 –2013 janë pjesë e 11 të pandehurve që janë çuar për gjykim pas përfundimit të hetimeve.

Çështja e hetimit për mashtrim të administratorit dhe menaxherit të kompanisë “Gulf” merr përmasat e një skandali që ka të bëjë me veprimet e institucioneve shtetërore. Së pari ngjarja nisi me heshtjen e përfaqësuesve të Policisë së Shtetit dhe Ministrisë së Brendshme për faktin nëse Irakli Svanidze dhe Albano Aliko ishin vënë apo jo në kërkim. Njoftimin për këtë çështje Policia e Shtetit e dha zyrtarisht vetëm në datën 21 prill, pra një ditë pas kallëzimeve për mashtrim dhe pasi klientë të ndryshëm po përballeshin me mungesë shërbimi për tollonat e shpërndarë nga kompania.

Prokuroria nuk ka marrë nga Policia e Shtetit asnjë kërkesë për hetim në lidhje me mbylljen e menjëhershme të kompanisë së karburanteve“Gulf”. Burime nga Prokuroria e Përgjithshme i thanë Tema TV se deri në mesditën e ditës së sotme, policia nuk ka çuar në organin e akuzës asnjë kërkesë për hapje hetimi në lidhje me falimentimin dhe mbylljen e pikave të tregtimit të karburanteve “Gulf”, të cilat lanë pas detyrime të pashlyera kundrejt klientëve.

Brukseli ka në plan për të transferuar dhjetëra miliarda euro të buxhetit të BE-së nga Evropa Qendrore dhe Lindore drejt vendeve të goditura rëndë nga kriza financiare si Spanja e Greqia. Sipas një raporti të gazetës britanike Financial Times, BE do të rishikojë skemën e shpërndarje së fondve dhe kanalizimin e burimeve për vende të tilla si Polonia, Hungaria dhe Republika Çeke.

Sot Top-Channel raportonte për përmbytjen e një piste biçikletash ndërtuar anës liqenit të Belshit në kuadër të asaj që njihet si Rilindja Urbane. Projekti ka marrë qindra milionë euro në 4 vjet dhe ka synuar rigjallërimin urban të qyteteve shqiptare të cilave u është imponuar monotonia e një shëtitoreje me pllaka dhe ndriçim, disa pemë, ndonjë shatërvan dhe kuptohet shiriti i përurimit.

Nga prononcimet e banorëve rezulton se liqeni ka qenë 70 cm më lart se vija aktuale e ujit, gjë që duhet të ishte marrë parasysh nga zbatuesit e projektit.

Viti 2018 duket se ka nisur me shumë punë për Komisionerin për Mbrojtjen e të Dhënave Personale dhe të Drejtën e Informimit. Në faqen online të këtij komisioneri, e cila në katër ditë të javës nga shtatë të tilla është jofunksionale, janë publikuar 17 vendime marrë për ankesa të ndryshme ndaj institucioneve publike. Mes tyre figurojnë Ministria e Energjetikës, Bashkia Tiranë, Avokatura e Shtetit, Prokuroria e Përgjithshme, DSIK etj..

Vdekja e Ardit Gjoklajt në landfillin e Sharrës në gusht të vitit 2016 vuloset si ngjarje aksidentale. Gjykata e Tiranës ka shpallur të pafajshëm ishin shoferin e fadromës së firmës që grumbullonte mbeturinat, Edmond Kollari, dhe përgjegjësi i turnit të firmës, Dëfrim Hakrama.

Sipas Gjykatës nuk kishte prova të mjaftueshme për vrasjen aksidentale të të miturit Gjoklaj, që punonte në landfillin ku subjekti “3R” sh.p.k ushtronte aktivitetin e përpunimit dhe riciklimit të mbetjeve urbane në bazë të një aktmarrëveshjeje me Bashkinë Tiranë.

Tensionet në Egje mes Turqisë dhe Greqisë, janë një front i padeklaruar lufte, që nuk ka mbetur vetëm në nivel deklaratash. Athina flet zyrtarisht për një konflikt të hapur ushtarak, që kulmoi me rrëzimin e një avioni Mirage dhe humbjen e jetës së një piloti grek gjatë fluturimeve për monitorimin e hapësirës ajrore.

"Jemi në një luftë të pashpallur në Egje, por pozicionimi i forcave tona bëhet në mënyrë të tillë që të mos kemi humbje të  pilotëve tanë"- tha zëvendësministri i Mbrojtjes, Fotis Kuvelis.

I përfolur si një nga njerëzit kryesorë të rrjetit të Fetullah Gylen në Shqipëri, kryetari i Komunitetit Mysliman, Skënder Bruçaj ka komentuar për herë të parë arrestimet në Kosovë dhe kërkesën e autoriteteve turke që edhe Shqipëria të dorëzojë personat e listuar nga Ankaraja si pjesëmarrës në grushtin e dështuar të shtetit.