Blloku Ekonomi

“Bankers Petroleum” dhe Drejtoria e Përgjithshme e Tatimeve do të përballen në gjykatë. Top-Channel njofton se është kompania kanadeze ajo që ka paditur DPPT-në në Gjykatën Administrative, duke kërkuar pezullimin e një akti që i faturon Bankers 24 milionë euro. “Top Channel ka mësuar se konflikti lidhet me shumën e taksave që kompania kanadeze duhet të paguajë në institucionin shtetëror. Mësohet se pak javë më parë Tatimet i kanë kërkuar Bankers që të paguajë më shumë taksa nga sa ka deklaruar.

575 mijë euro i janë dhënë një zyrtari të qeverisë shqiptare në vitin 2009 nga një biznesmen austriak. Lajmi bëhet i ditur nga mediat austriake që shkruajnë se Dietmar Aluta-Oltyan, ish-kreu i “Alpine Bau” ka dhënë rryshfet ndaj një zyrtari shqiptar në lidhje me ndërtimin e rrugës Damës –Tepelenë. “Prokurorët thonë se Aluta-Oltyan i ka paguar një zyrtari shqiptar një ryshfet prej 575 mijë euro, përmes një kompanie të quajtur Ëindforce Estate Limited, me qendër në Qipro.

Ndonëse marrëdhëniet politike janë në pikën më të ulët, ato ekonomike mbeten të një rëndësie parësore në veçanti për Shqipërinë. Statistikat e fundit të Bankës së Shqipërisë bëjnë të ditur se Greqia ka stokun më të madh të investimeve të huaja në Shqipëri, në vitin 20014, me 1.16 miliardë lekë, në rritje prej 7% në raport me të njëjtën periudhë të një viti më parë.

Edhe një koncesion tjetër. Kësaj radhe bëhet fjalë për lejet e qarkullimit, të cilat që këtej e tutje parashikohen që t’i jepen me koncesion një kompanie private. Dhe ky konçesion rregullohet me një ndryshim të miratuar dje në mbledhje qeverie, në “Vendimin nr.153, datë 7.4.2000, të këshillit të ministrave, “Për miratimin e rregullores për zbatimin e kodit rrugor të republikës së shqipërisë”, të ndryshuar”.

Këto kohë ka shumë përbaltje dhe armiqësi ndaj biznesit në Shqipëri. Në fakt, jo vetëm ndaj biznesit, por e gjithë atmosfera është e tillë. Qeveria mund ta quajë një proces pastrimi, është afërmendsh që për të bërë atë do të duhet në fillim të nxjerrë në dritë se sa pis është. Por ai nuk mund të jetë i njëanshëm. Nëse jeton në llum nuk mund të pretendosh se vetëm ti je i pastër. Ne nuk mendojmë se jetojmë në llum, por qeveria mendon se ajo është e bardha e çdo gjëje, duke e ngjyrosur me të zezë këtë vend.

Eurobondit shqiptar i ka kushtuar një hapësirë edhe agjencia “Reuters” e cila i referohet kryeministrit Edi Rama. Agjencia vë në dukje se Shqipëria është një vend me nivel të ulët të mbledhjeve të taksave, por për kryeministrin shqiptar, “Ky duhet të jetë një shqetësim i qeverisë dhe i popullit shqiptar, jo i investitorëve, për shkak se për investitorët kjo nuk përbën asnjë ndryshim”. Eurobondini emetuar kësaj radhe është 500 milionë euro dhe qeveria ka angazhuar J.P Morgan dhe Deutsche Bank si agjentë të vetët.

Gjatë muajit Gusht, tregtia e jashtme ka pasur një ecuri të dobët duke regjistruar rënie, si në eksporte, ashtu edhe në importe. Efekti është dhënë i gjithi nga rënia e fortë e grupit “Minerale, lëndë djegëse dhe energji”, ndërsa sektorët e tjerë janë pothuajse të gjithë me rritje. Ecuria e eksporteve këtë vit nxjerr në pah dobësitë strukturore të ekonomisë shqiptare, tepër e varur nga shitja e lëndëve të para. Sipas të dhënave nga Instituti i Statistikave, eksportet gjatë muajit Gusht ranë me 17.6% kundrejt të njëjtës periudhë të një viti më parë.

Fondi Monetar Ndërkombëtar po monitoron nga shumë afër ecurinë e ekonomisë shqiptare dhe performacën e qeverisë në përputhje me angazhimet që ajo ka marrë sipas  marrëveshjes së nënshkruar me FMN.

Në prag të takimit të radhës mes dy palëve, përfaqësues i përhershëm i FMN-së në Shqipëri Jens Reinke në një intervistë të posaçme për Monitor ka zbuluar edhe kërkesat që do t’I parashtrohen palës shqiptare, ku më kryesorja është rikthimin në skemën e TVSH-së i kategorive të përjashtuara siç janë makineritë dhe paisjet.

Përmes një shkrimi dërguar për Tema online, ish kreu i ERE-s Bujar Nepravishta, i përfolur së fundi në kuadër të skandalit CEZ-DIA, ka sqaruar në mënyrë të hollësishem teknike mënyrën e funksionimit dhe vendimmarrjes në Entin Rregullator të Energjisë, si dhe rrethanat e largimit të tij nga ERE.