Blloku Ekonomi

Biznesi ndodhet në një klimë tmerri. Ky është konkluzioni i revistës  “Monitor”, të cilin e ka mbrojtur dhe me një shkrim të zgjeruar. Sipas “Monitor” rritja e tejskajshme e gjobave në ndryshimet për procedurat konsiderohet e frikshme nga sipërmarrësit dhe ekspertët, teksa bizneset tremben se ajo do të shtojë abuzimet nga tatimorët Të frikshme, drastike, shkatërruese, të paimagjinueshme, shtypëse, diktatoriale, prishje e balancave të një vendi e deri te falimente me pasoja të rënda sociale afatshkurtër dhe ekonomike në afatin e mesëm, që mund të dëmtonin zhvillimin e vendit.

Një ligj që rrezikon të falimentojë biznesin. Kështu e cilëson ligjin e ri për procedurat tatimore, Dhoma Amerikane e Tregëtisë, që përmes një deklarate ka përcjellë shqetësimin e biznesve e që përfaqësohen me këtë Dhomë. “Në të gjithë botën gjobat përcaktohen si një përqindje e caktuar mbi nivelin e xhiros apo totalit të taksave të paguara, që do të thotë se një biznes me xhiro vjetore 8 milion lekë nuk mund të gjobitet 10 milion lekë, sepse shkakton falimentin e menjëhershëm të biznesit.

Mungesa e gjatë e reshjeve ka ndikuar në uljen e nivelit të rezervës hidrike në basenin e HEC-it të Fierzës. Niveli i ujit është 271.8 metër, kuotë kjo e njëjtë me mesataren shumëvjeçare në këtë periudhë. Sipas “Monitor”, burimet në Ministrinë e Energjetikës pohojnë se, situata është tërësisht në kontroll dhe se gjithçka po shkon sipas programit. Programi ekonomik i KESH për 2015 kishte bërë parashikim që gjatë vitit të importohej një sasi energjie elektrike për të ruajtur kuotat. Gjatë këtij viti, deri më tani, nuk është bërë import por vetëm eksport.

Sipas Institutit të Statistikave, ekonomia në tremujorin e dytë të vitit u rrit me 2.53% dhe rritja erdhi kryesisht nga sektori i ndërtimit. Komponenti i konsumit rezultoi në rënie për të dytin tremujor radhazi, ndërsa kontribuesi kryesor ishin investimet.

Vlora dhe Durrësi kanë  numrin me të madh te bizneseve të vogla e të medha të cilat janë në poces falimentimi, pasi për të paktën 2 vjet nuk  kanë paguar taksat dhe detyrimet në shtet. Sipas të dhënave të Drejtorise së Përgjithshme të Tatimeve  për muajin shator nga 118  subjekte tregtare në proces falimentimi, 36  ndodhen në Vlore, 27 ne Durres, 10 në Gjirokaster dhe  8 në Tirane. Pjesa tjetër janë të shpërndara në qytete të vogla të vendit.  

Guvernatori i Bankës së Shqipërisë, Gent Sejko gjatë një intervistë për “Oran News” ka analizuar situatën ekonomike në vend, por edhe ndikimin e aksionit anti-informalitet në vend. Guvernatorit tha se janë duke u analizuar efektet e aksionit, megjithatë sipas tij nisma anti informalitet do të rrisë çmimet. Por Sejko argumentoi  se me rritjen e çmimit do të binte konsumi, çka do të ndikojë negativisht në ekonomi nëse aksioni do të jetë afatkshkurtër.

INSTAT-i raporton se, në trmujorin e dytë, rritja e vëllimit të Produktit të Brendshëm Bruto (zhveshur nga efektet e çmimeve dhe ato sezonale) ishte 2.53%, krahasuar me të njëjtin tremujor të një viti më parë.

Në këtë rritje, faktori kryesor ka qenë kërkesa për investime. Kështu  formimi bruto i kapitalit fiks u rrit me 19,02%, krahasuar tremujorin e dytë të vitit 2014.

Për kursim dhe efikasitet, punonjës të Ministrisë së Financave kanë menduar që me një email grupi, t’u dërgohet bizneseve fason lista me emrat e kompanive (508 kompani, jo vetem të fasonit), që iu është rimbursuar TVSH e prapambetur deri në datën 30 shtator 2015. Por kjo përhapje e papërgjegjshme informacion ka shkaktuar një reagim të ashpër tek bizneset.

Cathriona White ishte e martuar gjatë gjithë kohës që ajo qëndronte në krahët e Jim si e dashura e tij. Ai që po kujdeset për funeralin, dhe që do të dërgojë arkivolin me trupin e saj në vendlindje, Irlandë, do të jetë pikërisht bashkëshorti, idektiteti i të cilit ende nuk është bërë public. Sipas miqve Cathriona kishte menduar që të niste procedurat e divorcit muajin dhjetor. Megjithatë ata ishin të ndarë prej kohësh.

Cathriona dhe Jim janë lidhur bashkë vitin 2012.

Kompania kineze “China State Construction” që do të ndërtonte rrugën e Arbrit duhet ta kishte paraqitur brenda shtatorit oferën e saj përfundimtare për projektin e rrugës prej 26.9 kilometrash. Por siç njofton Lapsi.al, oferta nuk dorëzuar dhe firma kineze ka dërguar në Ministrinë e Transporteve vetëm një gjurmë të rrugës, e cila është miratuar.

Ndërkaq “Exim Bank”, banka që ishte ofruar për të financuar rrugën, besohet se është tërhequr nga projekti. Qeveria shqiptare është vënë në dijeni të refuzimit të “Exim Bank”, por nuk ka bërë komente.