Blloku Ekonomi

Autoriteti i Mbikëqyrjes Financiare ka kërkuar nga kompanitë e sigurimeve të anulojnë vendimin për rritjen e tarifave të sigurimit për automjetet. Ky është qëndrimi i tretë i kësaj agjencie, pasi ditën e parë u dol me qëndrimin se tregu vetërregullohet. Mandej Autoriteti deklaroi se do të analizonte atë që po ndodhte dhe sot del me kërkesën për ulje.

Atë që mediat e kanë denoncuar që herët, e konfirmon së fundmi edhe Konfindustria, që është grup interesi i biznesit.

Fjala është për rritjen e sigurimit të makinave që zbulon qartë situatën oligopol në të ashtuquajturin treg të sigurimeve, e për të cilat Konfindustria thotë se nuk ka reagim nga qeveria, pse kompanitë kanë lobuar për heshtjen.

Sot u publikua në disa media një lajm sipas të cilit qeveria bashkë më Bankën Botërore po mendojnë që të bëjnë të detyrueshme sigurimin nga tërmetet, apo edhe përmbytjet. Ndonëse nuk u publikua një draft nga projektligji që është duke u hartuar, ideja është e tillë që përmbi 500 orë reshje aplikohet dëmshpërblim, ndërkohë që për tërmetet dëmshpërblimi vlen përmbi 5 ballë të shkallës Rihter. Tarifa do të jetë e detyrueshme për çdo familje dhe mendohet që për tërmetet të jetë 50 euro në vit dhe kompanitë e sigurimit do të japin 20 mijë- 40 mijë euro maksimumi.

Me zgjedhjet në Dibër, mazhoranca ka vënë në lëvizje edhe një premtim të dalë boje tashme. Ministri i Transporteve, Edmond Haxhinasto, i ka ardhur në ndihmë kandidatit Muharrem Rama, me një shpjegim të ri për rrugën e Arbrit.

“Besoj se shume shpejt do të konkludojmë ofertën e fundit të realizuar nga kjo kompani, dhe pastaj do të përcaktojmë hapat e mëtejshme për sa i takon këtij projekti të rëndësishëm”, theksoi ministri.
Projekti riaktivizohet për nevoja fushate elektorale, pasi termat e këtij projekti nuk janë bërë asnjëherë të njohura.

Autoriteti i Mbikëqyrjes Financiare ka ndryshuar qëndrim brenda dy ditësh. Nëse dje deklaronte se për çmimet e sigurimit të makinave vendos tregu, sot AMF-ja ka dalë me rolin e avokatit të konsumatorit.

“Bazuar në informacionin në dispozicion si edhe në përmbushje të misionit të tij rregullator, Autoriteti i Mbikëqyrjes Financiare duke i shërbyer mbrojtjes së konsumatorit është në ndjekje të situatës dhe po analizon mënyrën dhe procedurën e ndjekur nga shoqëritë e sigurimit në përcaktimin e tarifës së primit të sigurimit,” deklaron AMF në një njoftim të sotshëm.

Autoriteti i Mbikëqyrjes Financiare ka marrë në mbrojtje indirekt veprimin e djeshëm të kompanive të sigurimit për rritjen e çmimit të sigurimit të automjeteve.

Siguracioni i makinës është rritur me 25 %. Të gjitha kompanitë e sigurimeve ofrojnë të njëjtat çmime, duke mos u lënë mundësi qytetarëve të zgjedhin një çmim konkurrent. Në vëzhgimin e bërë nga Tema Tv, sjellim detajet e tarifave bazuar mbi fuqinë motorike të mjeteve dhe reagimin e qytetarëve, që e konsiderojnë shumë të lartë çmimin, për rrugët që ofron vendi ynë. Ndërkohë Autoriteti i Mbikëqyrjes Finaciare nuk iu përgjigj interesit të Tema TV.

Ministri i Jashtëm i Shqipërisë Ditmir Bushati ka marrë pjesë në forumin e bashkëpunimit ekonomik “Shqipëri-Kinë, miqësi e vjetër, partneritete të reja”, zhvilluar në Kinë. Me ministrin ka qenë edhe kryetari i Dhomës së Tregtisë Nikolin Jakaj, në një përpjekje për të promovuar Shqipërinë. Bushati ka folur për nevojën e investimit në atë që Programi i PS-së e quante Korridori i Kaltër, e për të cilin në katër vite qeverisje është folur vetëm dy herë.

“Deutsche Welle” i ka marrë një intervistë Arben Shkodrës, zëvendëspresident për çështjet ndërkombëtare dhe investimet e huaja në Unionin e Dhomave të Tregtisë dhe Industrisë së Shqipërisë. Shkodra është pyetur për krijimin e Dhomës së Tregëtisë Shqipëri-Serbi, për interesin reciprok të biznesit të të dyja vendve, për të cilin ai ndër të tjera ka thënë:

Situata në tregun e sigurimeve vijon të reflektojë një marrëveshje të heshtur mes kompanive të cilat imponojnë çmimet sipas llogarive të tyre. Tv Klan raporton sot se operatorët e këtij tregu kanë rritur papritur çmimin e siguracionit për automjetet.