Blloku Ekonomi

Fondi Monetar Ndërkombëtar e ka kushtëzuar qeverinë të mos përdorë 2.5 miliard lekë të investimeve publike, si një garanci se nuk rritet deficit edhe nëse të ardhurat nuk realizohen. Kjo masë e ndërmarrë tashmë vjen në një kohë kur fondet e investimeve publike janë më të ultat e të gjithë viteve.

"TemaTv"

Qeveria është e bindur se deri në fund të mandatit do të arrijë objektivin për hapjen e 300 mijë vendeve të punës. Ministri i Financave, Arben Ahmetaj tha në një bashkëbisedim me gazetarët  se këtë e vërtetojnë stastikat dhe pritshmëritë që qeveria ka. “Debati  fantastik ky për rritjen e punësimit. Po e mbajmë premtimin, në sektorin jobujqësor  janë me bordero 173 mijë vende pune, ndërsa  në sektorin bujqësor do kemi një shifër më të maturuar në fund të vitit”-deklaroi Ahmetaj.

Muajin që vjen pritet të hapet tenderi për hekurudhën Tiranë-Durrës-Rinas, i cili parashikon një investim 81.5 milionë euro për realizimin e projektit. BERZH pritet te financoje mbi 40% te saj, ndersa e gjitha vlera eshte hua qe do te paguhet nga qeveria shqiptare raporton Abc Neës
Per fazen e ndertimit pritet te angazhohen gati 1400 punonjës direkt dhe indirekt, ndërsa ne fazën e operimit, numri do të arrijë në rreth 2,200 punonjës.

Në fund të muajit shtator të këtij viti do të jetë gati formula e llogaritjes dhe se zbatimi i taksës së re të banesave që nis në fillim të 2017-s, si projekt pilot në Tiranë. Në një letër drejtuar FMN-së, ministri i ri i Financave Arben Ahmetaj shprehet edhe për ngritjen e një grupi pune të përbashkët mes zyrës të regjistrimit të pasurive dhe shoqatës të vendorëve raporton Panorama.

Kryeministri aktual Edi Rama, ka bërë shpesh promovimin e Shqipërisë së taksave të ulëta dhe pa sindikata. E ka bërë këtë disa herë në Itali në emër të nxitjes së interesit për të investuar në vendin tonë. Por jo të gjithë e ndajnë këtë mendim. Për të dytin vit radhazi, Dhoma Amerikane e Tregëtisë ka kërkuar nga qeveria shqiptare të ulë taksat dhe kësaj radhe e ka bërë në kuadër të diskutimeve për paketën fiskale 2017.

Qeveria do detyrojë bashkitë që të shlyejnë 100 milionë dollarë borxhe të prapambetura brenda dhjetorit të vitit të ardhshëm. Në letrën e mirëkuptimit që i ka dërguar Fondit Monetar Ndërkombëtar, Ministria e Financave thotë se do i kërkojë njësive vendore që brenda këtij muaji të përgatisin planin konkret të shlyerjes përfshirë burimet financiare që do të përdoren.

Ndryshe nga opozita apo faktorë të tjerë në vend Fondi Monetar Ndërkombëtar thotë se ekonomia e vendit po rimëkëmbet.  Në raportin e fundit mbi gjendjen e ekonomisë shqiptare Fondi Monetar Ndërkombëtar nënvizon se ekonomia është në linjë me parashikimet dhe se financat publike të vendit kanë nisur të përmirësohen. Sipas FMN “Rritja ekonomike po përshpejtohet, ndërsa borxhi publik ka filluar të ulet nga piku i vitit 2015”.

Kompanitë e sigurimit aktualisht po hetohen nga ekspertë të Autoritet të Konkurencës. Objekt i hetimit do të jenë tarifat e primit të sigurimit të detyrueshëm motorrik, që u rritën me 25 % në gusht të këtij viti. Autoriteti i Konurencës nisi hetimin menjëherë pas publikimit në media të ndryshimit të tarifave nga të gjitha kompanitë, në të njëtën kohë e me të njëtin çmim.
Dyshimi nëse ka marrëveshje të fshehtë dhe fiksim të çmimit është objekti i këtij hetimi. Nëse shkelje konstatohet, shoqëritë e sigurimeve rrezikojnë gjobë deri në 2 % të xhiros vjetore për seicilën prej tyre.

Shoqata e Pronarëve kërkon për së dyti nga Gjykata Kushtetuese që të pezullojë zbatimin e ligjit të ri të pronave. Pasi kanë marrë një vendim të ndërmjetëm të Kushtetueses pronarët deklarojnë se si kanë shkuar punët tashmë nuk kuptohet më se kush e ka të drejtën e pronës.
"TemaTv"

Teatri me koncesionin e rrugës Durrës – Kukës duket se ka shkuar drejt asaj që dyshohej tashmë(http://www.respublica.al/2016/09/06/anullohet-tenderi-për-rrugën-durrës-–-kukës-ishte-lojë-tenderi-me-kompaninë-turke).