Blloku Ekonomi

Për miratimin e ligjit të mbetjeve qeveria solli si argument nevojën që ka industria e riciklimit për të rritur kapacitetet përpunuese. Ndërkaq menaxhimi i integruar i mbetjeve është një nga direktivat e Bashkimit Evropian, i cili në tre progres-raportet e fundit për Shqipërinë ka evidentuar një fakt, kapacitetet e ulëta të bashkive për të menaxhuar ndarjen e mbetjeve në burim dhe më pas riciklimin e tyre. Është thuajse i njëjti vlerësim në tre vitet e fundit, situatë për të cilën qeveria nuk ka bërë asgjë, përveçse u ka hapur rrugën ardhjes së mbetjeve nga jashtë.

Ndryshimet e fundit në administratën tatimore dhe doganore janë rezultat i performancës së dobët në Tatime dhe Dogana. Qeveria vazhdon ta trajtojë këtë defiçencë në mbledhjen e të ardhurave si çështje emrash, por ajo që thotë FMN lidhet me dështimin e tatimit progresiv dhe normën e ulët të taksave.
Në një raport të fundit, Fondi Monetar Ndërkombëtar ka vënë në dukje se qeveria shqiptare nuk ka arritur të përmirësojë të ardhurat buxhetore, pavarësisht rritjes së taksave më 2014, duke e bërë Shqipërinë vendin me taksat më të larta në rajon dhe me rendimentin më të ulët fiskal.

Konsorciumi i kompanive shqiptare që garoi për konçesionin e rrugës Durrës – Kukës ka fituar edhe në përballjen e dytë. Ankimimi i Minitrisë së Transporteve është rrëzuar nga Komisioni i Prokurimit Publik duke lënë kështu në fuqi fituesit e shpallur më parë nga ky institucion.

“Komisioni i Prokurimit Publik, ka lënë në fuqi vendimin e tij të mëparshëm, duke skualifikuar kompaninë “Vendeka Bilgi”, dhe duke shpallur fituese konsorciumin “Catalyst Viva Das General Constructing LL.C”, “Salillari” LTD, dhe “Kastrati” SH.A.”, raporton TemaTv.

Talenti i minsitrit të Financave në qeverinë socialiste Arben Ahmetaj për të rregulluar bilancet e shtetit dhe kompanive të mëdha debitore siç janë ato të naftës dhe përpjekja për ta shitur këtë nismë si amnisti për biznesin, duket se nuk po gëlltitet as vetë brenda "të majtës socialiste".
Kryetari i Komisionit të Ekonimisë, Erion Braçe përveçse konfirmoi dyshimet se amnistia e Ahmetaj bëhet për të pastruar me borxhet e ARMO-s apo kompanive të tjera, tregoi se në të tilla raste e majta mund ta tejkalojë veten, kur bëhet fjala për votimin e kësaj nisme në parlament.

"Eco Tirana", projekti i përbashkët mes bashkisë së Tiranës dhe asaj të Veronës, do të nisë punimet në nëntor të këtij viti. Bizneset që ishin ngritur në godinat e vjetra janë larguar, ndërsa banorët e ish-parkut të autobuzave, në rrugën “Don Bosko”, nuk besojnë se aty do të ndërtohet vetëm vendi i parkimit të mjeteve që transportojnë plehra. Dyshimi është se aty do të ngrihet një impiant për përpunimin e plehrave.

"TemaTv"

Përfaqësuesi i shoqatës “Pronësi me Drejtësi”, Myrshit Vorpsi, teksa komenton mendimin që ka shprehur Komisioni i Venecias për Ligjin e Kompesimit të Pronave, të cilin kjo Shoqatë e ka ankimuar në Gjykatën Kushtetuese thotë se ish-pronarët do t’i drejtohen Gjyjkatës së Strasburgut nëse ligji siç e ka miratuar qeveria mbetet në fuqi. Sipas tij ligji nuk i përgjigjet realitetit.

Ministri i Financave, Arben Ahmetaj tha sot se qeveria shqiptare ka arritur në parim dakordësinë me Fondin Monetar Ndërkombëtar, për fshirjen e plotë të detyrimeve të bizneseve në Tatime e Dogana të para vitit 2010 dhe për thjeshtimin e borxhit nga 2010 -ta në 2014 -ën.
Nga sa kuptohet ka një dakordësi në parim që ministri kërkon ta promovojë, duke lënë pas shumë pikëpyetje mbi këtë kërkesë të qeverisë shqiptare për të fshirë detyrimet tatimore e doganore para vitit 2010 si dhe për të amnistuar kamatat e gjobave dhe detyrimeve përgjatë periudhës 2010-2014.

Ngjarja është e thjeshtë, pasoja jo e vogël.

Më 22 qershor një pjesë e biznesneve u gjobitën me 10 mijë lekë për vonesë në deklarimin e administratorit. Kjo për shkak se sistemi e-tax përditësohet.

Ekspertët pranuan se ky ishte gabim i sistemit, pasi shumë biznese deklaruan se gjoba ishte vënë përpara se biznesi të merrte në dorëzim NIPT-in.

Më 1 korrik, ministri i Financave, Arben Ahmetaj, deklaroi se këto gjoba do të faleshin, edhe pse sipas tij, “gjobat nuk ishin vënë gabim”.

Kontrolli i Lartë i Shtetit ka vendosur të shtyjë më shumë për rihapjen e hetimeve për marrëveshjen e mirëkuptimit mes qeverisë shqiptare dhe CEZ. KLSH-ja ka kërkuar nga Gjykata e Lartë që të urdhërojë rihapjen e hetimeve për mënyrën sesi u mbërrit në marrëveshje, kjo nisur nga fakti se “Prokuroria e Përgjithshme i ka pushuar hetimet në muajin qershor”.

Sipas juristëve të KLSH-së, “prokuroria nuk ka hetuar siç duhet kallëzimin në fjalë”, hetimet sipas tyre ishin “të dëmtuara dhe të paplota, përsa kohë nuk ishte administruar edhe dokumentacioni shtesë”.

Nisja e punimeve për ndërtimin e disa HEC-eve në Tropojë ka nxjerrë në pah një shkelje të rëndë të autoriteteve lokale në këtë zonë. Me dhjetëra hektarë tokë buke, tokë private dhe pyje po dëmtohen nga gërmimi për ndërtimin e HEC-eve dhe asnjë zyrtar i zonës nuk i ka njoftuar pronarët e këtyre trojeve. Një banor i kësaj zone sjell denoncimin e tij në "Tema TV" me pamje nga vendi i ngjarjes, ku shihet se toka e tij, e të afërmëve dhe shumë banorëve të tjerë, po gërmohet këto ditë për t’i lënë vend një prej HEC-eve.