Blloku Bota

Britanikja Daily Mail ka bërë një raportim, në fakt të “mirëkuptueshëm”, lidhur me terroristët e ISIS-it. Grupe luftëtarësh, thotë Daily Mail, po lënë mjekrat në fushëbeteja si pasojë e frikës nga sulmet ruse kundër tyre në Siri. Për këtë janë publikuar edhe fotografi që besohet të jenë realizuar afër Alepit, ku shihen togje “mjekrash”.

Qielli i mbushur me avionë, ushtri që afrohen në disa anë dhe arrati në panik nga ata pak sirianë që kanë mbetur ende në qytetin e shkatërruar nga konflikti disavjeçar, Alep. Pas ofensivës së fundit të trupave të presidentit Bashar al Assad, të asistuar fuqishëm nga avionët rusë dhe, siç përflitet, edhe nga trupa speciale ruse e iraniane, aktivistë të të drejtave të njeriut raportojnë se të paktën 70 mijë persona janë zhvendosur ditët e fundit nga pjesa jugore e qytetit.

Presidenti i Turqisë, Recep Tayyip Erdogan, gjatë një fjalimi të mbajtur në samitin e parë të liderëve fetarë myslimanë të vendeve aziatiko-pacifike, i cili po zhvillohet në Stamboll, deklaroi se bota islame duhej të ishte vetëkritike, pasi ajo ishte e përfshirë në konflike. “Ky takim i liderëve fetarë të rajonit ku jetojnë 1,2 miliardë myslimanë, duhet të jetë nxitje për ndërtimin e urave të reja të miqësisë, bashkëpunimit dhe tolerancës”, theksoi ai.

Europa duket se ende nuk po di të përshtasë planifikimin me nevojat e veta. Ka kohë që në vendet kryesore flitet për krahun e punës, por edhe për investimet në burime njerëzore që përcaktojnë zhvillimin. Por këto parashtrime  mbeten në kuadrin e konstatimeve dhe hasin në pengesa të mëdha, pasi atoo shkojnë kraha për karah me nevojën për imigrantë. Në një shkrim të vetin në “Deutsche Welle”, Richard Fuchs shkruan se imigrantët janë domosdoshmëri ekonomike, nëse Gjermania, si vendi kryesor i Europës, do të dojë të mbajë ritmin e zhvillimit që ka.

Janë rritur tensionet në mesin e mijëra emigrantëve, që po drejtohen për në veri nëpërmjet shteteve të Ballkanit, ndërsa rruga e tyre për në Europën Perëndimore është bllokuar nga kontrollet e reja. Kroacia i ka kërkuar fqinjit të saj verior, Sllovenisë, të pranojë 5 mijë emigrantë çdo ditë, por Sllovenia ishte dakord vetëm për gjysmën e këtij numri. Një zyrtar tha për BBC se Kroacia nuk do të ketë më dhoma në kampet e saj tranzit brenda disa ditësh. Autobusët e mbushur me njerëz u drejtuan për në Serbi në 19 tetor.

Ministri i Jashtëm grek, Nikos Kotzias është vënë në qendër të kritikave pas daljes në dritë të përplasjeve mes tij dhe ambasadores së përhershme të Greqisë në Bashkimin Evropian, Aleksandra Papadopulu. Gazeta “To Vima” shkruan se kjo përplasje është vetëm maja e ajsbergut të problemeve që po kalon ministria e Jashtme greke, si pasojë e vendimeve të ministrit Kotzias.

Siplomatja greke ka marrë urdhër të lërë misionin e saj në Bruksel dhe të kthehet në Athinë për të qënë në dispozicion të Ministrisë së Jashtme greke.

Presidenti amerikan Barak Obama kërkoi zyrtarisht sot nga qeveria amerikane të përgatisë raportin për pezullimin e sanksioneve kundër Iranit. Ky vendim vjen pas arritjes së marrëveshjes mes dy fuqive të mëdha për programin bërthamor të Iranit  të nënshkruar në korrik 14 të këtij viti. Kjo ditë shënon fundin e një periudhe prej 90 ditësh pas miratimit nga Këshilli i Sigurimit të OKB-së të një rezolute që miratoi marrëveshjen diplomatike mes dy vendeve.

Greqia vijon të mbajë kontakte me Rusinë lidhur me ndërtimin e gazsjellësve që dalin në Europë. Mnistria e Jashtme greke njofton për një takim mes Giorgos Tsipras, sekretar i Përgjithshëm në këtë ministri për Marrëdhëniet Ndërkombëtare Ekonomike dhe ministrit rus për Energjinë, Alexander Novak. Në takim është folur për atë që pala greke e quan: Gazjellësi Jugor Europian dhe siç njoftohet është rënë dakord që të vijohet puna. Bëhet fjalë për një projekt të ri që pason disa të tillë që i janë refuzuar Rusisë dhe duket se Greqia është e gatshme që t’i mirëpresë.

Vatikani shpall sot shenjtorë edhe një çift burrë e grua dhe kjo ndodh për herë të parë. Bëhet fjalë për francezët Louie Martin (1823-1894) dhe Maria Azelia Guerin (1831-1877), prindër të Santa Teresa di Lisieux (që vdiq nga tuberkulozi vetëm 24 vjeç dhe ështëb kanonizuar më 1925). Të dy personat në fjalë janë përzgjedhur me motivacionin: “për dëshminë e jashtëzakonshme të spiritualitetit familjar” do të shpallen sot shenjtë bashkë me katër të tjerë. 

Ban Ki Moon, gjatë një vizite në vendstrehimin “Saint Egidio Community” në Romë tha se situata e emigrantëve dhe refugjatëve është një “krizë e solidariotetit global”. Sekretari i Përgjithshëm i OKB-së, u takua me refugjatë dhe fëmijët e tyre.