Blloku Bota

"Politico"  vijon serinë e shkrimeve mbi lidershipin në Europë. Matteo Renzi dhe Emmanuel Macron sipas agjencisë "Politico Europe" do jenë dy politikanët me ndikimin më të madh në vendet e tyre, por edhe me gjerë në Europë. Sipas artikullshkruesit, Dalibor Rohac, "askush nuk duhet të nënvleftësojë ndikimin e politikanëve të rinj dhe ambiciozë", duke shtuar se "në një Europë pa shumë zgjedhje, qasja e europianëve do të jetë kah politikanëve me mendësi të re të lidershpit".

Kosova është anëtarja më e re Federatës Europiane të Futbollit, duke konfirmuar kështu një realitet të gjallë që nuk mund të mohohet. U pëlqen apo nuk u pëlqen disave. Ajo është bërë pjesë e familjes së futbollit europian me anë të një votimi, i cili në fund është i padiskutueshëm.  Një sinjal tjetër, jo pa domethënie, vjen nga Rusia e cila votoi kundër anëtarësimit të Kosovës në UEFA, gjithnjë si aleate e qëndrimit serb.

Partia Alternativa për Gjermaninë miratoi manifestin elektoral, që shpall islamin si të papajtueshëm me kushtetutën, ndërsa kundërshton ngritjen e minareve dhe mbajtjen e shamive Partia me prirje ksenofobe po shënon një popullaritet rreth 14 % sipas sondazheve dhe kërcënuar seriozisht skenën politike gjermane në 1 vit para zgjedhjeve të 2017. Më shumë se 2 mijë delegatë mbështetën propozimet për marrjen e masave kundër simboleve islame, ndërsa kritikuan kishat për zhvillimin e dialogut me myslimanët.

28 faqe nga raporti i klasifikuar i Komisionit për ngjarjet e 11 shtatorit, po i sjell SHBA-së rrezikun e krijimit të një armiku të ri në Lindjen e Mesme. Arabia Saudite ka bërë të ditur edhe më herët se çdo publikim, nga i cili pritet të zbardhet roli i saj në goditjen e Kullave Binjake. Por disa kongresmenë dhe ish-kongresmenë kanë kërkuar që raporti t’i jepet publikut amerikan, që e konsideron ngjarjen si një ndër më të rëndat në historinë e vet.

Gjatë darkës së përvitshme të Shtëpisë së Bardhë me Shoqatën e Korrespodentëve, në Uashington Presidenti amerikan, Barack Obama, është tallur me kandidatin republikan për garën presidenciale në SHBA, Donald Trump.

Marrëdhëniet mes Iranit dhe Shteteve të Bashkuara të Amerikës janë riacaruar sërish duke hapur rrugën për incidente të rënda. Kështu, disa ditë pasi Teherani zyrtar bëri një demarsh pranë sekretarit të Përgjithshëm të OKB-së, Ban Ki Moon, të cilit i kërkonte që të ndërhynte për të ndalur sjelljen e SHBA-së në shkeljen e rregullave për imunitetin diplomatik dhe bllokimin e aseteve iraniane.  Neutraliteti, apo impotenca eMoon, ka çuar në sugjerimin e skenarëve të tjerë.

Testet e fundit të Koresë së Veriut kanë acaruar disa fuqi, përfshirë Shtetet e Bashkuara të Amerikës, që bashkë me Korenë e Veriut, ndajnë një qëndrim shumë të ashpër ndaj Phenianit. Pas testit të fundit, zyrtarë nga SHBA folën për mundësinë e vendosjes së një sistemi raketor mbrojtës në gadishullin korean, i quajtur Terminal High Altitude Area Defense – Mbrojtja Ajrore Fundore në Lartësi të Mëdha.

Situata në Irak është përkeqësuar ndjeshëm ditën e sotme, teksa aktivistë myslimanë shiitë kanë hyrë në parlament dhe kanë kërkuar ndryshimin e qeverisë. Protestuesit janë mbështetës të klerikut Moqtada Sadr të cilët ia dolën të çajnë barrikdata në atë që njihet si Zona e Gjelbër. Qeveria ka deklaruar gjendjen e Jashtëzakonshme në Bagdad, ndërkohë që vetë Sadr ka bërë të qartë se kërkon një ndryshimi qeverie me kryeministirn aktual Haider al-Abadi dhe ministra teknokratë. Këto kërkesa nuk janë marrë parasysh nga partitë parlamentare.

Shtetet që janë destinacion i refugjatëve dhe emigrantëve kërkojnë "vulën" e Komisionit Evropian për vazhdimin e kontrolleve të kufijve brenda zonës Shengen. Sipas burimeve të cituara nga revista gjermane "Welt", Franca, Gjermania, Austria, Suedia, Danimarka dhe Belgjika kërkojnë aprovimin e Komisionit Evropian për të zgjeruar kontrollet brenda Shengen nga mesi i majit, duke aktivizuar 'mekanizëm emergjencës'.

Siria vijon të mbetet një nga pikat kryesore të tensionit në botë, ku edhe mosmarrëveshja mes dy fuqive kryesore, SHBA-së dhe Rusisë është më serioze. Një ditë më parë, media iraniane “PressTv” raportonte se në konferencën për Sigurinë Ndërkombëtare, zhvilluar në Moskë, ministri iranian i Mbrojtjes, gjeneral Hossein Dehqan, deklaroi se politika me dy standarde që ndjek SHBA, rrezikon një luftë të re botërore. “Për ruajtjen e interesave të veta, Washingtoni po vë në punë standarde të dyfishta apo të shumëfishta për çështjet kryesore që janë burim i prishjes së stabilitetit dhe sigurisë.