Blloku Bota

Dukej si një gjigand që nuk do të mund të lëkundej, por në botën e financës nuk ka konstante. Mediat europiane janë hapur sot me lajmin e keq të goditjes në bursë të Deutsche Bank, e cila ndodhet në një krizë besimi të investitorëve ardhur si pasojë e vendimeve që kanë origjinë në SHBa. Autoritetet amerikane kanë vendosur një gjobë prej 14 miliardë dollarësh pasi konstatuan  shkelje me garancitë hipotekore. QË nga ky moment, i cili ka vetëm një muaj, banka është përballur me probleme.

Kryeministri grek Aleksis Tsipras ka thirrur me urgjencë mbledhjen e Komisionit të Jashtëm dhe Mbrojtjes për të diskutuar mbi deklaratat e Komisionerit Hahn për çështjen çame, qëndrim që ka shkaktuar jo pak tension në Athinë dhe ka acaruar marrëdhëniet me Brukselin raporton Kathimerini.

Ka kohë që flitet për rendin ndërkombtër që është sfiduar në disa drejtime. Ndoshta personi më i njohur që ka ecur përpara me këtë tezë duke propozuar kundërveprim është Henry Kissinger, sipas të cilit bota po shkon drejt një gjeopolitike rajonesh pa një dominancë vertikale si sot, në krye të së cilës qëndron SHBA dhe Perëndimi në tërësi. Sfida nuk është vetëm në ngushtimin e diferencës ekonomike dhe teknologjike mes Perëndimit dhe aktorëve jo perëndimorë, por ajo është një sfidë instiucionale dhe strukturore e cila po katalizon realitete të reja vendimmarrëse.

Ish-presidenti i Izraelit i vlerësuar me çmimin Nobel të Paqes, Shimon Perez ndërroi jetë në moshëm 93 vjeçare pas një goditje cerebrale në tru. Me vdekjen e tij Izraeli humbet një nga fizionimitë më të spikatura të politikës dhe diolomacisë. Ai konsiderohet një nga arkitektët e marrëveshjes së Oslos që i hapi rrugë autonomisë së palestinezëve në vitin 1990

Dhoma e ulët e parlamentit zviceran miratoi me një votë diferencë ndalimin e shamisë për gratë myslimane. 88 deputetë, anëtarë të Dhomës së Ulët i thanë “po” kësaj nisme, 87 votuan kundër, ndërsa 10 abstenuan.

Por fati i këti ligji varet nga Dhoma e Lartë e Parlamentit që mësohet se është në shumicë kundër kësaj mase, me argumentin se mbulimi i grave për arsye të besimit fetar është kufizuar ndjeshëm në zvicër. Deri më tani, ndalimi i burkës dhe hixhabit aplikohet vetëm në kantonin Ticino.

Trump dhe Hillary Clinton janë përballur në debatin e parë për zgjedhjet presidenciale në ShBA. Të dy kandidatët kanë njolla në biografinë e tyre, të cilat kandidati republikan Trump i ka përmbledhur në deklaratën se: "Do të zbardh të ardhurat e mia kur Clinton të zbardhë 33 mijë emailet që janë fshirë". Akuzë kjo për shpërdorimin e kërkesave të sigurisë që Clinton ka bërë gjatë kohës së drejtimit të Departamentit të Shtetit.

Pas përballjes së ashpër dhe akuzave për krime lufte në Këshillin e Sigurimit në OKB, Rusia dhe Perëndimi kanë vijuar kundërshtitë edhe në frontin mediatik. Agjencia ruse e lajmeve “Sputnik” ka shpërndarë sot një video që tregon sipas saj “rikthimin e jetës në zonat e Halepit të çliruara nga ushtria siriane”. Në videon e regjistruar në lagjen Ramouseh duken dyqane të hapura, njëfarë rregulli urban dhe njerëz apo makina që qarkullojnë.

E dërguara e SHBA-së në OKB është hipokrite kur thotë se veprimet e Rusisë në Siri janë "barbarizëm", është hipokrit, sepse asgjë në historinë moderne nuk është më barbare se ajo që SHBA ka bërë në Irak dhe Libi. Kështu reagoi zëdhënësja e Ministrisë së Jashtme ruse ndaj deklaratave të ambasadores amerikane në OKB, Samantha Power. Në mbledhjen e Këshillit të Sigurimit, diplomatja amerikane akuzoi Moskën për civilët e vdekur në Alepo në prag të skadimit të armëpushimit të negociuar nga SHBA dhe Rusia.

Editorët e “Shehab News Agency”, me 6.3 milionë ndjekës dhe tre pjsëtarë të “Quds News Network” me 5.1 milionë ndjekës deklarojnë se u janë mbyllur llogaritë në rrjetin social “Facebook”.  Sipas tyre nuk është dhënë asnjë shpjegim dhe për këtë arsye mendohet se rrjeti social po i përmbahet marrëveshjes me Izraelin kundër nxitjeve për luftë dhe urrejtje. Mediat në fjalë janë me seli në West Bank dhe mbulojnë informacione për Palestinën. 

Greqia po nxit një regjim të traktat bashkëpunimi dhe miqësie mes saj, Turqisë dhe Qipros që do të zëvendësojë regjimin e tanishëm të garacive ndërkombëtare. Kështu është shprehur për gazetën greke "Kathimerini" ministri i Jashtëm Grek Nikos Kotzias. Ai thotë se kjo marrëveshje po negociohet në partneritet të ngushtë me Organizatën e Kombeve të Bashkuara dhe do të finalizohet me largimin përfundimtar të ushtrisë turke nga ishulli.