Blloku Bota

Një video e publikuar nga televizioni japonez Fuji, mendohet se paraqet momentin e vrasjes së vëllait përgjysmë të liderit koraeno verior në kryqytetin malajzian. Personi që mendohet se ëhstë Kim Jong – nam sulmohet në aeroportin e Kuala Lumpurit nga dy gra, që mendohet se janë njëra nga Indonezia dhe tjetra nga Vietnami. Njëra e mban nga krahët, kurse tjetra i hedh në fytyrë helm me veprim të shpejtë. Më pas tregohet personi që shoqërohet në klinikë. Autoritetet maljaziane kanë vendosur të bëjën autopsinë, por ambasdori koranoverior protestuar duke kërkuar motivet e këtij veprimi.

Kongresmeni amerikan Dana Rohrabacher, kryetar i Nënkomitetit për Europën, Eurazinë dhe Kërcënimet e Reja, ka kërkuar falje për deklaratat e tij mbi Maqedoninë. Përmes një deklarate të posaçme ai thotë se ka reflektuar mbi atë që ka thënë për Vizion Plus duke theksuar se ato nuk përputhen me qëllimet e tij.

Gazeta izraelite “Haaretz” raporton se administrata amerikane Obama, e përfaqësuar nga sekretari i Shtett, John Kerry, ka propozuar në një samit sekret mbajtur në Jordani në vitin 2016, një plan paqeje që parashikonte njohjen nga vendet arabe të Izraelit si një shtet hebraik. 

Rrjeti Starbucks donte që të bënte dekorimin me palma në Duomo të Milanos të hapësirës së vet. Palmat u vunë por qytetarët protestuan. Sot gazeta Corriere della Sera njofton se palmave u është vënë zjarri. Qyteti po merr rol të ri në një botë përherë e më pak miqësore. Ndaj nuk duhet lejuar që "revolucionarët" të grabisin kujtimet e brezave të tërë për trille estetike. 

Rusia dhe SHBA mbeten rivalë dhe thuajse antagonistë në një botë përfytyrimi i së cilës është i ndryshëm nga të dy palët. Megjithë premtimet e bujshme dhe deklaratat e pazakonta nga presidenti amerikan Donald Trump, në mes janë interesa të cilat nuk mund të kapërcehen dhe një gjë e tillë ka rënë në sy qartë në punimëet e Konferencës së Mynihut. Ministri i Jashtëm rus, Sergery Lavrov deklaroi se ai shpreson që “bota të pranojë një rend të ri botëror – një rend post perëndimor – më demokratik,në të cilin secili vend përkufizohet nga sovraniteti i tij”.

Në një periudhë jo pak të trazuar politike dhe kur pasiguritë mbi të ardhmen e NATO-s janë shtuar, prirjet e shoqërive brenda Aleancës reflektojnë gjendjen e turbullt që karakterizon aleancën më të madhe ushtarake të botës. Shumë domethënës e janë rezultatet e një sondazhi të Gallup që ka shtruar pyetjen se me kë forcë do të donin të ishin në aleancë në rast lufte.

Të papranueshme e ka quajtur Ministria e Jashtme greke incidentin e fundit në brigjet e ishullit grek Farmakonisi, ku nga një anije patrullimi turke pati të shtëna në drejtim të territorit grek. Burime diplomatike greke thanë se qeveria greke reaguar me shqetësim për këtë ngjarje që sipas saj është në shkelje të ligjeve ndërkombëtare. 

Kreu i CIA-s Mik Pompeo ka hedhur poshtë si të pavërteta raportimet se agjencia nuk po i raporton gjithçka presidentit Donald Trump.

“CIA nuk fsheh, as ka fshehur dhe nuk do të fshehë kurrë informacione nga presidenti…Nuk kemi dijeni nëse ndonjë instancë e shërbimeve e ka bërë këtë gjë”, tha ai në një deklaratë bërë sot.

Kërkesa e SHBA-së dhe presidentit të saj të ri, Donald Trump, që shtetet anëtare të NATO-s duhet të përmbushin detyrimin e tyre për kontributin me 2% në buxhetin e mbrojtjes, është kundërshtuar nga Presidenti I Komisionit Europian, Jean – Claude Juncker.

“Nuk më pëlqen që miqtë tanë amerikanë e ulin kaq afër me ushtrinë konceptin e sigurisë”, tha ai në fjalën e mbajtur në Konferencën e Mynihut. Sipas tij kjo është kërkesë e hershme e amerikanëve që përballojnë 70% të shpenzimeve të aleancës.

Nuk është Ballkani fuçi baruti, por Europa. Ballkani është fitili dhe gjenerues i disa konflikteve që nuk mund të izolohen. Ky është mendimi i ekspertit Norbert Mappes-Diediek, i cili në një intervistë për agjencinë gjermane “Deutsche Welle”, thotë se Europa nuk duhet të largohet nga ky rajon.