Blloku Bota

Zgjedhjet presidenciale në Francë në vitin 2012 kanë qenë në lupën e njësive të spiunazhit të CIA-s.

Shtetet e Bashkuara të Amerikës janë të "vendosura" për të mbrojtur Korenë e Jugut dhe Japoninë, duke mos përjashtuar përdorimin e armëve bërthamore. Kjo është deklarata e Sekretarit Amerikan të Shtetit,  Rex Tillerson, pak ditë pas lëshimit të një rakete balistike nga Koreja e Veriut. Në një deklaratë të përbashkët me homologët e tij nga Koreja e Jugut dhe Japonia, Tilerson dënoi ashpër provat balistike të Koresë së Veriut dhe tha se SHBA mbetet e vendosur për të kontribuar në mbrojtjen e aleatëve të saj.

Aktori Ashton Kutcher ka dëshmuar para Senatit amerikan për abuzimin me fëmijët dhe atë që quhet skllavëria moderne. Ai drejton një fondacion, Thon dhe ka folur "në mënyrë pasionante" për disa gjëra "që asnjë njeri nuk duhet t'i shikojë. Në fund drejtuesi i Komitetit në Senat, senatori John McCain ka falënderuar Kutcher të cilit i ka thënë se duket më mirë në filma. Reagimi i aktorit ishte me shumë humor...

Presidenti i Shteteve të Bashkuara të Amerikës, Donald Trump, i ka dërguar një letër urimi Presidentit të Republikës së Kosovës, Hashim Thaçi, me rastin e Ditës së Pavarësisë së vendit. Kreu i Shtëpisë së Bardhë  shkruan se "Partneriteti mes dy shteteve mbështetet në vlerat dhe interesat e përbashkëta. E ardhmja e Kosovës sovrane, multietnike dhe demokratike bazohet në rajonin e Ballkanit stabil, të begatë dhe plotësisht të integruar në bashkësinë ndërkombëtare". 

Revista e njohur gjermane “Spiegel” shkruan së fundi për atë që e cilëson Beteja e Taksave dhe përgatitjet e Gjermanisë për të. Fjala është për rakordimin mes SHBA dhe Britanisë së Madhe për të ndryshuar taksën e korporatës drejt niveleve 10-15%, duke vënë në diskutim strukturën aktuale ndërkombëare të taksimit. Britania paralajmëron ulje të taksave të veta për ta kthyer vendin në “parajsë fiskale”, ndërkohë që presidenti amerikan Trump ka bërë të ditur se ndaj Gjermanisë dhe Japonisë, dy vende me të cilat SHBA ka deficit konstant, do të nisë luftën e monedhës.

Kanonizimi si shenjtor i Alose Stepinac, kardinalit kroat në kohën e Luftës II Botërore, do të bëhet në varësi të konkluzioneve të komisionit të përbashkët mes Kishës Katolike dhe asaj Ortodokse që këto ditë po zhvillojnë takime në Novi Sad. Komisioni u krijua me iniciativën e Papa Françesku dhe ai do të marrë parasysh vërejtjet dhe sugjerimet, faktet dhe provat sipas të cilave pretendohet se Stepinas ka marrë pjesë në krijimin e Shtetit të Pavarur të Kroacisë dhe politikën e tij genocidale.

Shtetet e Bashkuara të Amerikës, administrate e nobelistit për paqe, Barack Obama, ka përdorur predha me uran të varfëruar në Siri. Kjo është konfirmuar nga zëdhënësi I Komandës Qendrore të Ushtrisë amerikane, majori Josh Jacques i cili ka konfirmuar një gjë të tillë për reviostën “Foreign Policy”. Predhat janë përdorur gjatë sulmeve ndaj kamionëve të ISIS në vitin 2015 dhe në total arrijnë në 5 265 copë të lëshuara nga avionët A -10 në shkretërirat lindore të Sirisë.

Ka zyrtarë amerikanë që thonë se politika e SHBA-së drejt Ballkanit apo Europës nuk ka ndryshuar, por dyshimet për të kundërtën shtohen nga veprimet e administratës Trump. AFP merr si shkas për të parë ndryshime serioze një mesazh urimi që Sekretari i SHtetit, Rex Tillerson, i ka dërguar autoriteteve serbe me rastin e festës zyrtare të themelimit të shtetit. SIpas agjencisë franceze që referohet nga “B92”, agjencia serbe e lajmesh, në mesazhin e Tillerson mungon shprehja e mbështetjes amerikane për integrimin e Serbisë në Bashkimin Europian.

I përket brezit të ri të politikanëve dhe ndoshta një shkolle të re që i jep më shumë rëndësi shfaqjes sesa përmbajtjes. Kjo bëri që t’u premtojë me shumë lehtësi grekëve, rikthimin e dinjitetit të nëpërkëmbur  dhe çlirimin nga “diktatura” e kreditorëve.