Blloku Bota

Papa Françesku ka folur për ish-kardinalin e Kishës Katolik Kroate, Alojzije Stepinac, për të cilin ka thënë se ishte një njeri i përshpirtshëm dhe se ishte kjo arsyeja që Kisha Katolike e lumturoi atë.

Por në një moment të caktuar gjatë procesit të kanonizimit kishte disa pika të paqarta, historike

ka shtuar Papa në një prononcim për gazetarin kroat të Vecernji List, Silvije Tomasevic.

Këshilli i Lartë Zgjedhor (YSK) në Turqi, pas kërkesës së partisë së presidentit Erdogan për pavlefshmëri të rezultatit, vendosi përsëritjen e zgjedhjeve në Stamboll; zgjedhje që do të zhvillohen më 23 qershor.

Federica Mogherini do të vazhdojë të jetë ndërmjetësja kryesore në dialogun Serbi – Kosovë, ndonëse Bashkimi Europian mirëpret ndihmën e palëve të tjera.

Zëdhënësja e Mogherinit, Maja Koçijançiç, deklaroi për gazetën serbe “Vecernje Novosti” se “çdo angazhim që lehtëson dialogun, përfshirë një takim të ri, është i mirëpritur. Zonja Mogherini po kryen detyrën e saj”.

Shtetet e Bashkuara të Amerikës kanë dislokuar aeroplanmbajtësen Abraham Lincoln në Lindjen e Mesme për t’i dhënë një mesazh të qartë Teheranit zyrtar. Sipas mediave të ndryshme, vendimi i SHBA-ve erdhi pas deklarimeve të ndryshme për një sulm të mundshëm mbi forcat amerikane. Lajmin për dislokim e ka dhënë këshilltari për Sigurinë i Presientit John Bolton sipas të cilit vendimi në fjalë është një mesazh për Iranin se çdo akt force ndaj SHBA  do të përballet me forcë ushtarake.

Të paktën 13 persona gjetën vdekjen dhe 6 të tjerë u plagosën në një aksident ajror në Moskë. Incidenti ndodhi gjatë një ulje të detyruar të një avioni të kompanisë Aeroflot që kishte si destinacion qytetin e Murmanskut.

Pak minuta pasi ishte ngritur nga pista e aeroportit Sheremetiev të Moskës pilotët njoftuan probleme teknike.   Më pas ekuipazhi i avionit Sukhoi Superxhet 100, konfirmoi se disa minuta pas ngritjes u godit dy herë nga rrufeja, duke bërë që shumë pajisje të dilnin jashtë funksionit.

Stevo Pendarovski, kandidati i shumicës qeverisëse në Maqedoninë e Veriut në zgjedhjet presidenciale qëndron në krye të garës përballë rivales konservatore Gordana Siljanovska Davkova. 
Sipas rezultateve të deritanishme Pendarovski ka marrë 53.2% të votave kurse Silkanovska 43.2%.
Mediat raportojnë se Pendarovski ka qenë favorit edhe mes pakicës shqiptare që ka qenë përcaktuese në këtë raund ku kanë marrë pjesë 44.5% e zgjedhësve. Ligji maqedonas përcakton se zgjedhjet janë të vlefshme nëse pjesëmarrja shkon mbi 40%. 

Liderët e Bashkimit Europian pritet të miratojnë javën që vjen një draft me 10 pika për të ardhmen e bllokut. Lajmi bëhet i ditur nga Politico që shton se vendimi do të merret në samitin e Rumanisë. Në të njëjtin takim do të flitet edhe për një Agjendë Strategjike të skicuar nga presidenti i Këshillit Europian, Donald Tusk.

Sipas relacionit të draftit, liderët do të dakordësohen për 10 angazhime…si mbrojtja e një Europe nga Lindja në Perëndimi, nga Veriu në Jug…

Presidenti venezuelian Nicolas Maduro ka vendosur rritjen e gatishmërisë ushtarake pasi sipas tij një sulm ushtarak nga SHBA nuk përjashtohet. Në një fjalim para trupave të shtunën, Maduro e cilësoi SHBA një perandori, ndaj së cilës atdheu duhet mbrojtur me armë.

U kam thënë gjeneralëve dhe admiralëve dje: besnikëri, dua një besnikëri aktive. Ju besoj, por mbani sytë hapur…

citohet Maduro.

Në Tajlandë kanë nisur ceremonitë për kurorëzimin e mbretit Maha Vajiralongkorn që është i pari monark pas shtatë dekadash.

Rituale budiste dhe brahmane, spërkatje me ujë të bekuar, këto kanë karakterizuar një ceremoni që duket se vjen nga kohë të tjera në shekullin e 21-të. Vajiralongkorn është kurorëzuar me emrin Rama X i Tajlandës dhe ai vjen në frond y vjet pas vdekjes së të atit, mbretit Bhumibol. Tajlanda është monarki kushtetuese që nga vitit 1932 dhe mbreti aty ka fuqi të mëdha përveç se shihet si simbol shpirtëror i popullit.

Ministri i Jashtëm turk Mevlüt Çavuşoğlu ka deklaruar se Ankaraja nuk do të pranojë asnjë zgjidhje për Qipron që nuk merr parasysh qipriotët turq. 

Është e pamundur për ne që të pranojmë një zgjidhje që injoron tuqit qipriotë, barazinë politike dhe vullnetin e tyre

tha Cavusoglu gjatë një fjale në Këshillin Global të Gazetarisë mbajtur në qytetin Girne në Qipron Turke.