Blloku Bota

Lufta e Izraelit është ndërkombëtarizuar tashmë dhe ka kapërcyer kufinjtë e çdo kontrolli të mundshëm. Ndërkohë që zyrtarë të latë izraelitë flasin përditë për një sulm eventual ndaj Iranit, ende i cilësuar si një e keqe për t’u eliminuar, goditjet në Gaza dhe Liban vazhdojnë. Madje me ndëryrje tokësore.

Sulmi i befasishëm ndaj Izraelit i nisur nga Hamasi vitin e kaluar ishte një hap “logjik dhe ligjor” drejt mposhtjes së regjimit “djallëzor dhe frikacak” sionist, ka thënë lideri suprem iranian, Ajatollah Ali Khamenei.

Të premten, në predikimin e tij të parë publik në gati pesë vjet, Khamenei mbrojti veprimet kundër Izraelit nga "boshti i rezistencës", i cili përfshin Hezbollahun me bazë në Liban dhe grupin palestinez Hamas.

Nuk është vetëm Netanyahu që po kërkon të lajë hesapet me frikën e Izraelit për të ekzistuar. Por edhe me frikën nga një histori 70 vjeçare krimesh dhe genocidi. Është mesa duket i gjithë spektri politik, ndonëse raportime se elita “laike” po largohet nga vendi. Ish-kryeministri izraelit Naftali Bennett, ka komentuar deklaratën e presidentit amerikan Joe Biden, sipas të cilit “Izraeli mund të hakmerret ndaj Iranit, por duhet ta ketë kundërpërgjigjen proporcionale”.

Sipërmarrësi i mirënjohur Elon Musk, ka marrë pjesë në një takim elektoral të Donald Trump, kandidati republikan për zgjedhjet presidenciale në SHBA, duke bërë thirrje që të gjithë të votojnë. Takimi është zhvilluar në Pensylvania, aty ku Trump iu bë atentat.

Musk ka kohë që e sheh fushatën e demokratëve si një atentat ndaj demokracisë amerikane e cila sipas tij synon të formalizojë vlerën e zgjedhjeve përmes ndryshimit demografik në SHBA.

Goditja e fundit e Iranit mbi Izraelin ka evidentuar defiçitet e këtij të fundit në sistemin e Mbrojtjes ajrore. Sipas gazetës amerikane “The Wall Street Journal” nga 182 raketa balistike të lëshuara nga Irani, rreht 32 arritën të godasin bazën ajrore të Nevatimit dhe një raketë ra afër drejtorisë qendrore të MOSSAD-it. Irani përdori raketa balistike, jo kruiz, pasi ato fluturojnë me shpejtësi më të madhe, ndërkohë që në aspektin e kostove, predhat kundërajrore izraelite janë më të kushtueshme.

Një mënyrë për të zgjidhur konfliktin Rusi-Ukrainë, sipas ish-shefit të NATO-s, është lëshimi nga Kievi i një pjese të territorit të vendit. Në intervistën e parë pasi la detyrën e Sekretarit të Përgjithshëm të NATO-s, Jens Stoltenberg, është shprehur se Ukraina mund të detyrohet të rinegociojë duke e parë rivendosjen e kufijve të vitit 1991 si një parakusht për çdo marrëveshje paqeje.

Presidenti iranian Masoud Pezeshkian ka pritur në Doha të Katarit ministrin e Jashtëm të Arabisë Saudite faisal bin Farhan Al Saud me të cilin siç raportohet është diskutuar promovimi i marrëdhënieve dypalëshe. Pezeshkian ka bërë thirrje për unitet mes myslimanëve, duke vënë në dukje se të dyja vendet do të ecin përpara për të eliminuar dallimet. Nga ana e vet ministri saudit ka nënvizuar vendosmërinë e vendit të tij për të zhvilluar marrëdhëniet me Iranin. 

Samiti i G20 i muajit nëntor në Brazil mund të inaugurojë një moment kthese për krizën ukrainase. Një ditë më parë, agjencia ruse e lajmeve, “TASS” sillte në vëmendje një deklaratë të presidentit amerikan Joe Biden që në interepretimin e saj, “nuk përjashtonte një takim me presidentin rus Putin” në Brazil.

Por unë besoj se Putin nuk do të shfaqet

citohet Biden.

Mijëra njerëz kanë dalë në rrugët e Berlinit për të protestuar kundër dërgesave të armëve në Ukrainë dhe Izrael, ndërsa shprehin shqetësimin për një përshkallëzim të mundshëm bërthamor, sipas mediave lokale dhe videove të postuara në mediat sociale.

Tubimi, i organizuar nga grupe të ndryshme pro paqes dhe të krahut të majtë, u mbajt më 3 tetor, që përkon me Ditën e Unitetit Gjerman, që shënon bashkimin e Gjermanisë Perëndimore dhe Gjermanisë Lindore komuniste në vitin 1990.

Kreu i shërbimit të zbulimit të Federatës Ruse, Sergey NAryshkin, ka deklaruar se qendrat kryesore të Perëndimit kanë marrë mesazhin e duhur për përdorimin nga Ukraina të armëve me rreze të gjata.

Sipas tij, përgjigja e presidentit Putin për këtë lëvizje eventuale, duke vënë në dukje se sistemet mund të përdoren vetëm nga personel perëndimor  dhe me akses satelitor, përfaqëson deklaratë të hapur lufte ndaj Rusisë, ka dhënë efekt.