Blloku Bota

Prej kohësh, Belgjika ka një jetë politike kombëtare jofunksionale.

Media të shumta raportojnë për bombardimin e Odesës gjatë të cilit është dëmtuar rëndë edhe katedralja e qytetit. Guvernatori rajonal Oleh Kiper ka deklaruar se janë hospitalizuar 14 njerëz përfshirë katër fëmijë.

Katedralja e dëmtuar, ndërtuar në vitin 1809, është një godinë e rindërtuar në vitin 2003, pas prishjes nga Bashkimi Sovjetik në vitin 1939.

I dërguari special i Bashkimit Evropian për dialogun Kosovë – Serbi, Miroslav Lajçak, i ka cilësuar zgjedhjet e jashtëzakonshme të muajit prill në komunat me shumicë serbe në Veriun e Kosovës, si mina tokësore që janë shkelur. 

Marrëveshja e marsit është një moment historik në normalizimin e marrëdhënieve ndërmjet Serbisë dhe Kosovës. Ne e dimë saktësisht se çfarë duhet bërë. Por ka shumë ‘mina tokësore’ përgjatë kësaj rruge që ne nuk duhet t’i shkelim. Zgjedhjet lokale të prillit ishin diçka e tillë dhe për fat të keq ne i kemi shkelur ato

Rreth një vit e gjysmë nga nisja e konfliktit në Ukrainë, duket se po jepen shenjat e para të përshkallëzit real në terren. Një ditë më parë, presidenti rus, Vladimir Putin deklaroi përmes një mesazhi televiziv se çdo sulm mbi Bjellorusinë është një sulm mbi Rusinë dhe se Kremlini do të përgjigjet me të gjitha mjetet në dispozicion.

Pjesëtarët e “Mbrojtjes Civile” dhe “Brigadës së Veriut”, dy organizatave të shpallura si terroriste nga institucionet e Kosovës, janë duke u larguar për në Serbi. Gazeta “Koha Ditore” citon burime dhe dokumente të shërbimeve të sigurisë në vend, sipas të cilave anëtarë të dy organizatave serbe duke u zhvendosur në Serbi. 

Qyteti i Nju Jorkut do t’u paguajë 13 milionë dollarë qindra protestuesve të arrestuar gjatë demonstratave të George Floyd të vitit 2020. Avokatët e protestuesve e cilësuar këtë si marrëveshja me e madhe e kësaj natyre në Shtetet e Bashkuara.

Protestat në fjalë nisën pas vdekjes së Floyd, më 25 maj 2020. Amerikani me ngjyrë u vra në Minneapolis nga një oficer policie, i cili i vuri gjurin në qafë për nëntë minuta.

Email i ambasadorit amerikan në Kinë, Nicholas Burns, dhe zyrtarëve të tjerë të ambasadës janë hakeruar. Microsoft bën fajtor Pekinin, ndërsa pre e këtij hakerimi kanë rënë edhe zv.sekretari i Shtetit për Euroazinë, Daniel Kritenbrink dhe sekretarja e Tregtisë, Gina Raimondo.

Sipas Wall Street Journal, edhe pse nuk ka të dhëna të sakta sa emaile kanë rënë pre e sulmit, autorët kanë marrë akses në mijëra dokumente të paklasifikuara.

Propozimi i fundit europian për krijimin e një fondi rezervë financimi për Ukrainën është bllokuar nga Hungaria. Mediat raportuan se ideja është që të disbursohen 5 miliardë euro në vit për një periudhë katër vjeçare, në mënyrë që Ukraina të ketë sponsorizim për rezervat ushtarake në kuotën e 20 miliardë eurove.

Kreu i shërbimit të zbulimit amerikan, Ëilliam Burns, ka deklaruar se në mjediset e pushtetit në Rusi, ka lëvizje dhe pakënaqësi që po vënë në dyshim gjykimin e presidentit Vladimir Putin. Në një fjalë të mbajtur në Forumin e Sigurisë në Aspen, Burns, ka vënë në dukje se CIA po përpiqet që të kapë krisjet në sistemin e kontrollit të Putin, sidomos pas rebelimit të Prigozhin.

Ajo çfarë ka dalë në sipërfaqe janë disa pyetje më të thella rreth gjykimit të Putin, shkëputjes relative të tij prej ngjarjeve dhe madje edhe për pavendosmërinë e tij

Mes Yevgeny Prigozhinit dhe presidentit Putin ka pasur një marrëveshje, e cila i dha fund rebelimit të grupit Wagner, pak orë para se të hynte në Moskë. Pak ditë pas kryengritjes së lënë përgjysmë të 24 qershorit, presidenti rus e priti në Kremlin shefin e grupit ushtarak privat që sfidoi pushtetin e tij.  

Ky version i ngjarjeve është konfirmuar nga shefi i MI6, agjencia britanike e inteligjencës.

Në një fjalim të mbajtur në Pragë, ai tha se dinamika e 24 qershorit është e vështirë të interpretohet.