Blloku Bota

Njerëzit e lashtë kanë ndërtuar struktura të mëdha prej druri - ndoshta shtëpi - pothuajse gjysmë milioni vjet më parë. Zbulimi, i cili është dëshmia më e hershme e ndërtimit prej druri, sugjeron se disa komunitete të lashta ishin shumë më pak nomade sesa mendohej deri tani.

Rusia i kërkon OKB-së votimin e rezolutës së saj mbi konfliktin Izrael-Palestinë. Zv.përfaqësuesi i Përhershëm rus në OKB, Dmitry Polyansky, njoftoi në rrjetin social X se i ka propozuar Këshillit të Sigurimit futjen në rendin e ditës të kësaj rezolute.   

Në Australi, një referendum për të njohur në Kushtetutë indigjenët dështoi. Australianëve iu kërkua të zgjidhnin po ose jo në referendum, i pari në pothuajse një çerek shekulli, mbi pyetjen nëse ka nevojë të ndryshohet Kushtetuta për t’i njohur banorët aborigjenë dhe të ishullit të ngushticës Torres nëpërmjet krijimit të një organi këshillues indigjen, “Zëri për Parlamentin”, raporton Reuters.

Arabia Saudite vë në pauzë dialogun me Izraelin për normalizimin e marrëdhënieve. Një burim i afërt me palët e përfshira në dialog i tha AFP-së se në lidhje me këtë vendim janë informuar edhe zyrtarët amerikanë.

“Arabia Saudite ka vendosur të ndalojë diskutimin për normalizimin e mundshëm dhe ka informuar zyrtarët amerikanë”, citohet burimi.

Qeveria britanike nuk po e vlerëson në të njëjtën mënyrë jetën e izrealitëve me atë të palestinezëve. Kreu i qeverisë së deleguar skoceze, Humza Yousaf, i cili ka familjarë në Gaza, tha se është i zhgënjyer nga indiferenca e kryeministrit Rishi Sunak.

I pyetur nëse mendon se qeveria po i vlerëson njësoj palët e përfshira në konflikt, lideri i SNP tha:

Shtetet e Bashkuara duhet të modernizojnë edhe më tej ushtrinë, duke rritur kapacitetin konvencional dhe bërthamor, në mënyrë që t’i bëjnë ballë sfidave që paraqesin Kina dhe Rusia. Një panel bipartizan demokratësh dhe republikanësh në Kongresin Amerikan doli në këtë konkluzion pasi shqyrtoi për një vit me radhë kapacitetin ushtarak të Amerikës.

Kreu i diplomacisë iraniane, Hossein Amir-Abdollahian, i druhet kthimit të konfliktit Hamas Izrael në një luftë rajonale.

Sipas agjencisë iraniane të lajmeve, IRNA, Amir-Abdollahian ka vizituar Bejrutin, në Liban, për t’u takuar me liderë të grupit militant, Hezbollah.

“Me agresionin që vijon, krimet e luftës dhe rrethimin e Gazës, hapja e fronteve të reja është një mundësi reale”, citohet ai.

Sulmi në Banjskë më 24 shtator nuk mund të kalojë sikur të mos kishte ndodhur.

Kjo kushtëzon edhe rikthimin e palëve në dialog.

Kryeministri i Kosovës, Albin Kurti, gjatë një takimi me senatorët amerikanë, Jeanne Shaheen dhe Peter Welch, është shprehur se pa marrë parasysh tendencat e Serbisë për destabilizim, dialogu nuk mund të vazhdojë normalisht.

Sulmi i Hamasit ndaj Izraelit nuk ka qenë krejt befasi. Michael McCaul, kryetari i komitetit të punëve të jashtme të Dhomës së Përfaqësuesve, thotë se Egjipti e kishte paralajmëruar Izraelin për një sulm të mundshëm nga Gaza tre ditë përpara se ai të ndërmerrej.

Informacioni i siguruar nga inteligjenca amerikane u referua gjatë një takimi me anëtarë të lartë të Kongresit.

Ish-sekretari amerikan i Shtetit, Henry Kissinger, thotë se vendet e Europës kanë gabuar që kanë pranuar shumë njerëz, që tani po mbështesin veprimet e Hamasit kundër Izraelit.

I pyetur gjatë një interviste për Welt TV, për "arabët që festojnë" në rrugët e Berlinit pas inkursionit të Hamasit në Izrael, Kissinger, një hebre i mbijetuar i Holokaustit, tha se gjeste të tilla të mbështetjes për aktet kriminale i dukeshin "të dhimbshme".