Europa duhet të adoptojë një mendësi më strategjike

Ish-zv.presidenti i Komisionit Europian, Margaritis Schinas shkruan sot në gazetën “Kathimerini” disa propozime për mënyrën sesi BE-ja duhet të përshtatet në kohën e re, që ai e quan “Era e Fuqisë”. Sipas tij, Europa ka sot një deficit strategjik që buron nga inercia e saj për t’iu përmbajtur në mënyrë obsesive “një rendi global shumëpalësh bazuar në rregulla”.

Ne zgjodhëm që të jemi rojtarë të ligjit ndërkombëtar, bashkëpunimit shumëpalësh dhe tregtisë së drejtuar nga rregullat më tepër sesa nga forca. Kjo strategji ka dështuar të sjellë përfitimet e pritura…Ndërkohë që ne mbetemi të përthithur nga rregullat, pjesa tjetër e botës është përqendruar te fuqia

shkruan Schinas.

I cili vazhdon duke sugjeruar se në këtë botë që po inaugurohet tashmë si dominuese, BE-ja ka megjithatë disa instrumente. Por së pari, BE-ja duhet të afirmojë autoritetin e vet në një botë të fuqisë dhe së pari këtë duhet ta bëjë duke adresuar dobësitë e veta. "Dobësitë tona janë më të dukshme në mbrojtje", shkruan ai, duke nënvizuar se “bota komplekse përqark nesh na shërben si kujtesë për urgjencën e një kapaciteti mbrojtës europian”.

Por sa i takon avantazheve, BE-ja ka shumë dhe Schninas liston:

• Tregu i përbashkët: është më i madhei dhe më i rregulluari në botë, një treg ku kudo do të ketë akses dhe askush nuk do të përjashtohet.
• Euro: Është monedha e dytë më e madhe në rezervë dhe po merr përherë e më shumë terren, me Kinën dhe të të tjerë që përher e më shumë po e përdorin.
• Ndihma për zhvillim: Europa investon shumë në fusha kritiek gjeopolitike, por pa kërkuar asgjë në këmbim. Kjo duhet të ndryshojë. Ndihma jonë duhet të kushtëzohet me qëndrimin e përfituesve ndaj nesh.
• Fuqia rregullatore: Ligjet dhe standardet tona formësojën tregjet globale dhe ky është një avantazh domethënës strategjik. Ata që veprojnë kundër interesave tona duhet të përgatiten që të paguajnë çmimin, përmes sanksioneve apo kufizimeve, apo sanksioneve kundër individëve dhe kompanive

shkruan Schinas.

Sipas tij Europa duhet të adoptjë një mendësi më strategjike që gërsheton parimet tona me aftësinë të imponojmë termat tonë. Opionione si ky i Schinas përfaqësojnë një evolucion të shpejtë në debatin e brendshëm europian që herët apo vonë do të përpunojnë publikun për nevojën e ndryshimit të shumëçkaje dhe një lloj militarizimi që duam nuk duam është imponuar.