“Tensionet në veri mbeten rrezik për rikthimin e dhunës”

Tensionet e vazhdueshme etnike në veri të Kosovës mund të shkaktojnë një përsëritje të dhunës që pasoi sulmin në Manastirin e Banjskës. Admirali i Marinës së SHBA-së, Stuart B. Munsch, komandant i Komandës së Forcave të Përbashkëta Aleate në Napoli - e cila mbikëqyr misionin e NATO-s në fuqi në Kosovë - tha se aleanca mbetet e shqetësuar për rrezikun e dhunës së përsëritur në veri.

"Retorika e nxehtë politike mund të frymëzojë disa forca joqeveritare për dhunë, siç ndodhi vitin e kaluar," u tha Munsch gazetarëve në Prishtinë.

“Nuk do të thosha se përfundimisht po vjen konflikti, mendoj se ka një rrezik të vazhdueshëm”, tha ai, duke iu referuar mungesës së progresit në bisedimet e ndërmjetësuara nga BE-ja ndërmjet qeverisë së Kosovës dhe Serbisë.

Një oficer policie dhe tre persona të armatosur u vranë në shtator 2023 kur një grup sulmuesish të armatosur rëndë hynë nga Serbia dhe sulmuan policinë në fshatin Banjskë.

Katër muaj më parë, më shumë se 90 ushtarë u plagosën kur protestuesit serbë sulmuan paqeruajtësit e NATO-s.

Kosova ka akuzuar Serbinë se qëndron pas sulmit në Banjskë, por Beogradi i mohon akuzat.

SHBA dhe Bashkimi Evropian, aleatët kryesorë globalë të Kosovës, kanë kritikuar qeverinë e Prishtinës për ndërmarrjen e veprimeve të njëanshme në veri që mund të nxisin dhunë etnike dhe të rrezikojnë jetën e rreth 4 000 trupave të NATO-s në detyrë atje.

Qeveria e Albin Kurtit e refuzon një kritikë të tillë dhe ka sjellë tensionim të lidhjeve të Prishtinës me mbështetësit e saj perëndimorë.