Ndërron jetë ish-deputeti Gerti Bogdani

Ndërron jetë në moshën 44-vjeçare ish-deputeti demokrat, Gerti Bogdani. Mësohet se shkak është një arrest i papritur kardiak. 

Bogdani studioi në Universitetin Politeknik të New York-ut dhe pas diplomimit u kthye në Shqipëri.

Në vitin 2007 kandidoi me Partinë Demokratike për Kryetar të Njësisë Bashkiake nr. 10 Tiranë, garë të cilën e fitoi. Ndërsa në vitin 2009 u zgjodh deputeti më i ri në Kuvendin e Shqipërisë.

Nga viti 2009 e në vijim, ai drejtoi Forumin Rinor të Partisë Demokratike. Pas vitesh angazhimi aktiv në strukturat drejtuese, në zgjedhjet e 2019, ai u bë anëtari më i votuar në Kryesinë e Partisë Demokratike, me mbi 70% të votave. Në 2022 garoi në primaret e PD-së për të qenë kandidat për garën e Tiranës.