Franca voton djathtas/ Macron, forcë e tretë  

Ashtu siç pritej, ekstremi i djathtë ka siguruar shumicën në raundin e parë të zgjedhjeve në Francë.

Sipas institutit Eleba, partia e Marine Le Pen mund të marrë mes 255 dhe 295 vendeve. Kuorumi është 289 vende. Kjo do të thotë se objektivi mund të tejkalohet ose nuk do të arrihet për një pjesë të vogël të zonave zgjedhore. 35-45 vendet që sondazhi parashikon për republikanët mund të jenë vendimtare.

Në përqindje, sipas sondazheve, Bashkimi Kombëtar i Le Pen mban 34% të votave, e majta 29% dhe Macron 21%.

Dy forcat që renditen pas partisë së Le Pen njoftuan menjëherë se do të bëjnë çdo përpjekje për të ndalur fitoren e saj.

Të dy palët njoftuan se në raundin tjetër, në zonat ku renditen forcë e tretë, do të tërhiqen për të bashkuar votat me njëri-tjetrin.

Vetë Le Pen u konfirmua që në raundin e parë me shumicë të qartë. Kryetarja e Bashkimit Kombëtar në zonën ku kandidon tradicionalisht, ka marrë 58% të votave.

Pjesëmarrja e lartë në votim ishte një tjetër risi e këtyre zgjedhjeve. 65.5% prej atyre që kanë të drejtë vote kanë votuar, krahasuar me 37% në zgjedhjet e vitit 2022 dhe 51% në zgjedhjet evropiane një muaj më parë.

Partia e Le Pen tejkaloi edhe vetveten në krahasim me zgjedhjet europiane, ku mori 31.7% të votave, France Insoumise e Melenchon 9.9%, Partia Socialiste 13.8% dhe partitë që mbështesin Macron 14.6%.

Ndërsa Le Pen foli për dëshirën për shumicë absolute, Macron mban shpresë se do të arrijë të ndryshojë diçka në raundin e dytë.