Ellis: Hetim ndërkombëtar për Banjskën

Mark Ellis, drejtor ekzekutiv i Odës Ndërkombëtare të Avokatëve, me seli në Londër, thorë se rasti i sulmit në Banjskë kërkon hetim nga një ekip ndërkombëtar.  

Një intervistë për Radion Evropa e Lirë, ai thotë se ky ekip do të mund të mandatohej nga Kombet e Bashkuara ose të ngrihet një ekip i përbashkët i disa shteteve.

Ellis thotë se në rastin më të mirë, pjesë e këtij ekipi do të duhej të ishte edhe Serbia.

“Degëzimi i hetimeve, një nga Kosova, një nga Serbia, për mua nuk është drejtimi i duhur. Duhet të ketë një hetim të konsoliduar dhe të pavarur ndërkombëtar, për të cilin të dyja palët do të binin dakord”, thotë Ellis.