Shtëpia e Bardhë njofton takim Biden-Mitsotakis më 16 maj

Shtëpia e Bardhë ka njoftuar për një takim të afërt mes Presidentit amerikan, Joe Biden dhe kryeministrit grek, Kyriakos Mitsotakis. Zëdhënësja Jen Psaki deklaroi se takimi do të zhvillohet më 16 maj të këtij viti. 

Liderët do të diskutojnë përpjekjet e vazhdueshme me aleatët dhe partnerët për mbështetjen e popullit të Ukrainës…Ata do të diskutojnë bashkëpunimin e ngushtë mbi sfidat globale, përfshirë ndryshimin e klimës dhe sigurinë energjetike

tha Psaki. 

Takimi afirmon pozicionin e Greqisë në strategjinë amerikane në këtë rajon, që është vijimësi e administratave të mëparëshme. Edhe administrata Trump, që kërkonte një lidhje më të fortë me Turqinë, nuk e vuri në diskutim asnjëherë rolin e Athinës në stabilitetin demokratik në zonën jugore të Europës.