Zaev jep dorëheqjen. Presidenti i Maqedonisë së Veriut mandaton Oliver Spasovskin për qeverinë teknike

Zoran Zaev ka dhënë dorëheqje nga posti i kryeministrit të Maqedonisë së Veriut.

Këtë mëngjes në orën 8.30 ishim në Qeveri. Nënshkrova dorëheqjen time, në përputhje me Marrëveshjen e Përzhinës dhe në bazë të Ligjit për Qeverinë. Besoj se dokumenti do të arrijë në Parlament shumë shpejt, në mënyrë që procedura të fillojë gjatë ditës për të mundësuar miratimin e qeverisë teknike

ka thënë Zaev.

Ndërkohë presidenti i vendit, Stevo Pendarovksi ka njoftuar se do të mandatojë Oliver Spasovskin si kryeministër të ri me detyën e krijimit të qeverisë teknike. Dorëheqja e Zaev erdhi pas dështimit të vendit të tij në hapjen e negociatave me BE-në gjatë muajit tetor.