Britania kthen vizat për europianët nga 29 Marsi

Një Brexit pa marrëveshje më 29 mars do të thotë që qytetarët e BE që dëshirojnë të udhëtojnë në Britaninë e Madhe për më shumë se tre muaj do të duhet të aplikojnë për vizë pa pagesë.

Siç u zbulua të hënën nga Ministria e Brendshme Britanike, masa do të zbatohet drejtpërsëdrejti për ata që duan të jetojnë, punojnë ose studjojnë në  këtë vend. 

Kushdo që dëshiron të jetojë në Britani duhet të aplikojë për të ashtuquajturën "leje qëndrimi të përkohshme". Ky dokument do t'u lejojë europianëve të qëndrojnë në Britani të Madhe për tre vjet. Kostoja e marrjes së një leje qëndrimi nuk është përcaktuar, por vlerësohet të jetë rreth 500-600 paund, bazuar në koston aktuale të marrjes së dokumenteve përkatëse.

Ministri i brendshëm tha se në rastin e një marrëveshjeje jo, qeveria do të marrë menjëherë kontrollin e kufijve të vendit, që do të thotë përfundim i lëvizjez së lirë "një herë e përgjithmonë" në zbatim të rezultatit të referendumit. Ai vuri në dukje se masa nuk do të zbatohehen për ata evropianë që tashmë janë në Britani, pasi të drejtat e tyre do të mbrohen në çdo rast.