Saga e Unazës, të preferuarit e tenderit të dytë
Janë zbardhur kompanitë që janë në garë për Lotin e Parë të Unazës së Madhe. Tenderi u rishpall pas pezullimit të kontratës së parë me kompaninë DH Albania, e cila rezultoi se jo vetëm ishte futur në garë me letra të falsifikuara, por ka dyshime të forta se administrata shtetërore u vu në shërbim të kompanisë që drejtohej nga një 26 vjeçar receptionist, me lidhje të afërta me biznesmenin Bashkim Ulaj.
Vlera e tenderit sërish nuk ka ndryshuar (çka dhe pritej sepse në të kundërt do të shtoheshin akuzat kundrejt ARSH-së) dhe ajo që vihet re është se një pjesë e kompanive që janë pjesëmarrëse në garën e dytë janë "kliente" të qeverisë edhe në punë të tjera publike.
Vlerën më të lartë e ka dhënë kompania "A.N.K", e pasuar nga "Geci", "Gjoka Konstruksion"& "Shans Invest". Në garë janë edhe "GD Granid Ad Skopje", ndërsa më poshtë në ofertë është "Curri" &"Vellezerit Hysa" & "Agri Contruksion". "Vëllezërit Hysa" ishin pjesëmarrës dhe në tenderin e parë si mbushës të ofertës në garën e nëntorit. Tek kjo kompani ka marrë punë si nënkontraktor edhe kompania "Geci" që është garuesi me vlerën e dytë më të lartë si dhe një prej kompanive që aktualisht po ndërton një segment të Unazës.
Madje "Geci" është përgëzuar nga kryeministri Rama për ecurinë e punimeve, duke ironizuar me faktin se emri i biznesmenit Ramë Geci ishte në listën e oligarkëve të shpallur nga PD si klientë të pushtetit.
Lidhur me këtë ritenderim të dytë të Lotit të Parë të Unazës PD denoncoi edhe sot se fituesi i tij është i paracaktuar, duke përmendur një tjetër emër. Fituesi i paracaktuar sipas demokratëve do të jetë Rrok Gjoka dhe firma e tij "Gjoka Konstruksion" i cili tashmë po operon në kantier të hapur në Rrugën e Arbrit prej disa muajsh duke mbërritur në rreth 25% të punimeve. Nga të dhënat e tenderit shihet se kjo kompani nuk ka dhënë ofertën më të shtrenjtë por as dhe më e lira mes pjesëmarrësve në tender. Fakti që PD godet kompaninë “Gjoka” pa ofruar asnjë argument ku bazohet, mund të shihet edhe si mbështetje në favor të kompanisë “Geci” e cila vijon të ketë lidhje të forta në këtë parti. Pamvarësisht emrit dyshimet kanë qenë të forta se ky tender është i paracaktuar dhe kjo humb vlerë si akuzë apo debat në momentin që në tender ka 5 ofertuesë. Për momentin mund të themi që Gener 2 nuk është prezent në këtë tender, por supriza dhe mund dhe të ketë.
Comments
huni ka dal prej xhenentit
Po çar Geci me pd mor legena, Rama shok me Edvinin. Po Gjoka ka shi lamen ne kohen e Berishen me gjith nipin e vet ish-deputetin Nue Kola i ANK. Sa per kushte, po qe se nuk i plotso GRANIT i maqedonise , keta te tjeret hamamin plotesojne.
Add new comment