Brenda 2016-ës, bëhen aktive bankomatët postarë

Brenda këtij viti Posta Shqiptare do të ofrojë për qytetarët një shërbim të ri, atë të bankomatit postar. Kjo është bërë e ditur nga Drejtori i Përgjithshëm i Postës Shqiptare, Majlind Lazimi, gjatë takimit me homologun e tij në Prishtinë. Lazimi tha se bankomati postar do të shërbejë për tërheqjen e kolive postare, duke eleminuar radhët dhe pritjen.