Basha e Meta komentojnë zgjedhjen e Trump

Fitoja e Donald Trump në zgjedhjet presidenciale amerikane është komentuar edhe nga kreu i opozitës Lulzim Basha, një person që ka patur mbështetjen e fortë të ish-ambasadorit Arvizu për të marrë bashkinë e Tiranës dhe vazhduar më tej karrierën si një yll në ngjitje. Në deklaratën e tij pak minuta pas qartësimit të rezultatit Basha për një analogji me situatën në Shqipëri, duke thënë se zgjedhjet amerikane ishin një leksion edhe për shqiptarët që duhet ta marrin në dorë fatin e votës së tyre.
“Ky ishte një mësim i madh demokracie, se fatin e përcaktojnë vetë qytetarët, është një mesazh kuptimplotë në këto ditë të zymta në Shqipëri, që kam besim se do të frymëzojë bashkim qytetarësh me besim te demokracia, vota e lirë që nuk do të mposhtet nga asnjë makinacion”- tha Basha.
Edhe kreu i kuvendit Ilir Meta komentoi fitoren e kandidatit republikan, Dukshëm jo shumë entuziast nga ky zhvilli, I pyetur për marrëdhëniet mes nesh dhe Amerikës tashmë me president të ri dhe a do ndikojnë në këtë raport konsideratat që kryeministri Rama ka dhënë publikisht për Trump, Meta iu përgjigj:
“Trump është vizionar dhe shikon përpara dhe ka fituar për të bërë gjëra të rëndësishme. Jam i bindur se marrëdhëniet mes Shqipërisë dhe SHBA do të jenë solide, funksionale dhe afatgjata”- tha Meta.