Dy polakë deklarojnë se kanë zbuluar një tren nazist të mbushur me flori

Mediat në Europë njoftojnë se dy polakë deklarojnë të kenë gjetur një tren nazist të mbushur me flori, armë dhe gurë të çmuar. Lajmi i referohet mediave polake që raportojnë se treni kishte humbur gjatë Luftës së Dytë Botërore, afër qytetit të sotshëm të Wroclaw në vitin 1945, teksa forcat sovjetike po i afroheshin Gjermanisë.
Historia ngjan e pabesueshme kur raportohet se dy polakët kërkojnë 10% të shumës në këmbim të zbulimit të vendit të trenit, që përputhet me disa rrëfime të pas luftës që qarkullonin për një tren që kishte humbur afër kështjellës Ksias. E vërteta mbetet për t’u zbuluar, por në Poloni nuk mungojnë edhe ata që nuk e besojnë këtë histori.

http://www.bbc.com/news/world-europe-33994483?ocid=socialflow_facebook