Shqipëria do t'i kthejë 3.5 milionë dollarë borxh Sllovenisë

Shqipëria do t'i paguajë Sllovenisë borxhin e akumuluar gjatë regjimit komunist në vlerën e 3.5 milionë dollarëve. 
Komisioni Parlamentar i Ekonomisë dhe Financave miratoi të martën marrëveshjen për shlyerjen e borxhit të Republikës së Shqipërisë ndaj Republikës së Sllovenisë. 

Drejtori i Menaxhimit të Borxhit Publik, Xhentil Demiraj, theksoi gjatë punimeve të komisionit se borxhi i trashëguar nga komunizmi është 230 milionë dollarë. 
Demiri theksoi se ministria e Financave po negocion me palët për kushtet e shlyerjes së këtij borxhi. Kjo marrëveshje riskedulon borxhin e vjetër ndaj këtij shteti krijuar nga marrëdhëniet tregtare në klering. Shuma e borxhit është 3.5 milionë dollarë dhe shlyerja e këtij borxhi ka një afat dyvjeçar. 

Ballkanweb.com