Vdes e asfiksuar e moshuara, shkak ngrohësja e harruar ndezur

Një e moshuar ka humbur jetën e asfiksuar nga zjarri që dogji banesën e saj këtë mëngjes në Laç. Banesa e Gestina Peraj, 70 vjeç u përfshi nga një zjarr që u përhap me shpejtësi në të gjitha dhomat.

Mësohet se e moshuara u nxorr e pajetë nga banesa pasi ishte asfiksuar nga tymi i shkaktuar nga ngrohësja që ishte lënë ndezur duke i vënë flakën banesës. Zjarrfikëset në vendngjarje lokalizuan flakët deri në shuarjen e tyre.