Vlorë, asgjësohen 660 rrënjë kanabis, policia heton për kultivuesit.

Policia e Vlorës ka zbuluar dhe asgjësuar 660 rrënjë bimë narkotike kanabis sativa të mbjellë në tokë publike në fshatin Gorishtë.

Nga burime brenda policisë së qytetit bregdetar mësohet se bima narkotike ishte në prag pjekjeje dhe me një gjatësi prej 2 metrash.

Ndërkohë policia e Vlorës pas asgjësimit të kanabisit të zbuluar ka nisur edhe hetimet për identifikimin e kultivuesve të saj.