Durrës, shpërthen mjeti, plagoset një person

Mëngjesin e te shtunës një mjet tip Benz ka shpërthyer pranë Shkëmbit të Kavajës, ndërsa raportohet për një person të plagosur. 

Burime nga vendi i ngjarjes bëjnë me dije se mjeti ka qenë në lëvizje gjatë kohës që ka shpërthyer, ndërsa dyshohet që shkak të jetë lënda eksplozive.

Deri tani flitet për një person të lënduar, i cili është transportuar në spital. Nuk dihet gjendja e të plagosurit ndërsa vlen të theksohet se mjeti është shkrumbuar plotësisht.

Forca të shumta kanë mbërritur në vendngjarje dhe kanë nisur hetimet. / Top Channel