Rama pushton mediat me propozimin e ri, por gjëja është e paqartë

Rama ka folur në mbledhjen e grupit parlamentar (mos ka në mendje të mbajë çdo javë ndonjë fjalim përpara depuetëve e kamerave, si Berisha? Inshallah jo), dhe aty ka bërë një propozim të ri për paktin 12 pikësh të ofruar para ca kohësh. "Për javën parlamentare që fillon dua t’i propozoj komisionit tonë të ligjeve, sipas pikës përkatëse të Paktit tonë me dhjetë pika, një hap të ri për nxitjen e procesit legjislativ lidhur me projektet që kërkojnë 3/5 e votave. Të dorëzojmë pa humbur asnjë minutë, në Kuvend, një axhendë të specifikuar pune për komisionin parlamentar të ligjeve me një rend çështjesh e afatesh, ashtu siç e kemi propozuar në parim, por këtë herë në detaj. Për të mos i lënë më as edhe një mundësi palës tjetër që t’i ikë përgjegjësive të veta, për këtë aspekt të rëndësishëm të procesit të integrimit dhe t’i bishtnojë Paktit që ne kemi ofruar ‘Për Shqipërinë si gjithë Europa’ dhe jo për një pazar me ta", tha Rama.

Siç shihet, flitet për një propozim të ri, dhe mediat i kanë bërë jehonë para kohe këtij propozimi, pa marrë vesh në fakt se ku konsiston e pse ky propozim shënon një iniciativë cilësisht të re. Ndoshta socialistët duan ta mbajnë sekret deri në momentin, që do t’ua hedhin në tryezë demokratëve? Nëse është kështu, duhet të dërgojnë një sinjal, në mënyrë që mediat të mos flasin për një propozim të ri.

Re.Pu.