S. Ngjela: Opozita duhet të dalë me një kandidat të vetin, e duhet të futet në garë

Spartak Ngjela, në një intervistë për Aristir Lumezin e Panoramës, e bashkon zërin me ata që e shohin lojën presidenciale si një garë në parlament, e jo si një marrëveshje. Ai është shumë kritik ndaj takimit që u bë mes Berishës e Ramës (“dukej sikur kishin një arkivol në mes”, tha ai për këtë takim, dhe me këtë ka përbërë përkufizimin më të saktë e më të gjetur të asaj ngjarjeje), pasi në këtë mënyrë injorohet parlamenti. “Politika duhet t’i drejtohet parlamentit”, thotë ai, dhe më pas rreket ta shpjegojë këtë qëndrim me ca pohime jo fort të qarta: “Marrëveshja nuk është konsensus;  konsensus do të thotë votim; marrëveshja është diçka tjetër; ose ka parlamentarizëm, ose ka marrëveshje”, etj, etj.

Në fund ai shpreh qartë idenë e vet se në një garë në parlament, opozita duhet të futet me Fatos Nanon, i cili “nuk është forcë orientale, nuk është otoman, është perëndimor”.

E.G.