Në Vëmendje

Autoritetet shqiptare konfirmojnë se nga tërmeti i mëngjesit të 26 nëntorit 2019 kanë humbur jetën 6 persona, 2 në Thumanë, 3 në Durrës dhe një në Kurbin.

Sipas të dhënave paraprake nga Instituti i Gjeoshkencave, Energjisë, Ujit dhe Mjedisit, raportohet se epiqendra e tërmetit ishte 10 kilometra nga Durrësi dhe 31 kilometra nga Tirana.

Bilancit paraprak i shtohen edhe të lënduarit që janë mbi 100 dhe dëmet materiale për të cilat ende nuk ka një përllogaritje.

Në Durrës raportohet të jetë shembur edhe mbikalimi I Shkozetit si dhe disa objekte.

Tërmeti që ka goditur Shqipërinë në orët e para të mëngjesit të sotshëm ka sjellë viktma. Lajmi konfirmohet zyrtarisht nga kryeministri Edi Rama që ka qenë gjatë natës në Durrës, qyteti që është goditur më shumë. 

Në orën 07:00 është regjistruar edhe një lëkundje tjetër me magnitudë 5.9 ballë, që konsiderohet paslëkundje. 
Nuk ka ende një bilanc zyrtar, por ministrja e Shëndetësisë Manastirliu komunikoi se ka mbi 100 njerëz të lënduar. Në mediat sociale janë përcjellë pamje nga Durrësi ku janë shembur pallate dhe janë regjistruar të paktën dy viktima. 

 Një tërmet me magnitudë 6.4 ballë ka goditur Shqipërinë në orët e para të mëngjesit të sotshëm. Sipas raportimeve të deritanishme epiqendra ka qenë në detin Adriatik. Tërmeti ka zgjatur dhe është ndjerë mirë në Tiranë duke detyruar banorët të dalin jashtë. Tërmeti ka qenë më i fuqishëm se ai i muajit shtator. 

Dy kërkues të Dark Web, Bob Dichenko dhe Vinny Troia raportohet të kenë gjetur një server të hapur në Google Cloud me të dhënat e 1.2 miliardë njerëzve. 4 terabajt të dhëna për 4 miliardë llogari përdorimi u gjetën në atë që konsiderohet rrjedhja më e madhe e të dhënave nga një burim i vetëm.  Të dhënat përfshijnë emra, adresa e-maili, numra telefoni, profile Facebook dhe LinkedIN. Më interesantja është fakti se të dhënat përmbajnë dy bashkësi të dhënash që origjinojnë nga dy kompani të ndryshme.

Edhe në muajin shtator aplikimet për azil për herë të parë nga shqiptarët në një nga vendet e Bashkimit Europian kanë njohur rritje sipas të dhënave të publikuara nga Zyra e Mbrojtjes Europiane për Azilantët. Gjatë periudhës janar-shtator numri i tyre u rrit me 21% në krahasim me një vit më parë.

Reforma territoriale e konstestuar vazhdimisht nga opozita si një reformë e bazuar më shumë në një hartë elektorale sesa në një ndarje me karakter ekoenomik,  më në fund ka dalë si pengesë edhe për vetë qeverisjen vendore të mazhorancës. Kryebashkiaku i Tiranës Erion Veliaj në cilësinë e kryetarit të Shoqatës për Autonominë Vendore, propozoi gjatë një dëgjese në Komisionin e Ligjeve rishikimin e ndarjes së re territoriale, në mënyrë që Aeroporti i Rinasit të jetë pjesë e Tiranës dhe jo e Fushë-Krujës.

Presidenti serb Aleksander Vuçiç ka eklaruar pas takimit me homologun francez, Emmanuel Macron se Minishengeni është më i rëndësishëm sesa tërheqja e njohjeve të Kosovës. Mediat serbe citojnë presidentin Vuçiç, që mesa duket do të riorientojë investimin politik të Serbisë drejt unionit doganor në Ballkanin Perëndimor. Vuçiç ka paralajmëruar gjithësesi se disa vende kanë për të dalë kundër kësaj nisme.

Kompania “Fusha” po krijon zhurmë edhe në Sarandë. Mediat lokale raportojnë se punimet për të ashtuquajturën Lungomare, projektuar dhe miratuar pa asnjë konsultim me banorët, kanë nisur duke prishur si fillim plazhin e qytetit, njohur si Plazhi i Çentralit.

Për këtë situatë ka patur edhe një protestë, ndërkohë që kryetari i sapozgjedhur i Bashkisë, Adi Gurma ka folur për një furtunë mediatike që në fakt nuk  sipas tij asgjë të vërtetë. Gurma ka thënë se inertet  hedhura në plazh janë për shkak punimesh dhe se plazhi do të rikthet siç ka qenë më parë.

Dy muaj më parë, në faqen e Institutit të Shëndetit Publik u publikua një studim, i cili analizonte shkallën e kontaminimit në maternitetin “Mbretëresha Geraldinë”. Kërkimi shkencor që mban autorësinë e tre ekspertëve të Departamentit të Epidemiologjisë dhe Kontrollit të Sëmundjeve Infektive evidenton rrezikun e infeksioneve në repartin e obstetrikës dhe gjinekologjisë. Sallat operatore të maternitetit, inkubatorët dhe maskat e bebeve kanë rezultuar të kontaminuara me mikrobe të E.Coli dhe Stafilokok Aerus.

Dje në Shkozet u qëllua me armë një makinë ku ndodheshin tre persona. Po të lexosh mediat dhe të dëgjosh të ashtuquajturit gazetarë që dinë çdo gjë të krijohet ideja se atentati ka të bëjë me prokurorin Ndoja, apo me një person që ishte me të në makinë. Askush nuk sqaron diçka më shumë. Është nga ato ngjarje që i nënshtrohen ligjësisë së arkivimit. Për të lënë gjurmë mbi versionet e kësaj ngjarjeje ka shkruar sot edhe ish-kryeministri Sali Berisha, që e lidh atentatin ndaj Ndojës me konfliktin për Kepin e Rodonit që është dhënë me koncesion për 35 vjet.